1 Kɔrèn 4:4 - Ikan feg

⁴ Chəyi mə̀ wendi anug tibɔ̀ŋ mɔ̀ʼɔ ne mə̀ ghi. Si ya gha, chəyi ze chwi gha, chəyi mə̀ ghi anug tibɔ̀ŋ. À ya Anɔŋisəg we sàʼa mə.

Meta’

⁴ Chəi mə̀ kyerɨ ənû rɨbɔ̀ŋ ə mɔʼɔ ze nɨ mə ghɨ, àyɨə zɨ rɨka chwi i ni chə mə̀ kweʼ ghɨ̀ ənû rɨbɔ̀ŋ. Àmei Ə̀nùŋɨ̀sɨg we nɨ tɨ̀ wɨ̀ saʼ əmɨ.

1 Kɔrèn 4:4 Referans Kwoze

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

2 Kɔrèn 5:10

Tì ya ghìyə̀ ane imbə̀ʼ icheg ne mba məjìm biri ghum təm imbìghè abə Kristo ane isaʼi. Wì biri saʼ awa, wə̀d imɔʼ imɔʼ si niŋ ìwi ineʼi ane icheg ne wì ya fàʼi inug igun isəg aŋa, kə̀ àkə inug chɔm kə̀ inug tibɔ̀ŋ.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

Rm 2:13

Chəyi wə̀d we tə̀mə kòʼò imbìghè abə Ŋwiye məyi imbə̀ʼ icheg ne we zùghə mə̀nɔ̀ʼɔ̀ Muse. Wə̀d ya tə̀mə kòʼò məyi ane we fàʼà inug mbe ne mə̀nɔ̀ʼɔ̀ mbe ghà.

Ɨ̀fàʼì 23:1

Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Jn 21:17

Wì ya ywìrì bìri ibo ane ighə̀m ne pè ane itad gha, “Sayimùn, ŋwan Jɔn, àghò kɔ̀ŋ amə?” Pità ya gaŋ gha Yeso ywìrì bìri ane ighə̀m ne pè ane itad gha, “Àghò kɔ̀ŋ amə?” Wì ya si ywìtì gha, “Anɔŋisəg, àghò kyèri inug ijìm. Àghò kyèri gha mə kɔ̀ŋ awe.” Yeso ya bə̀ si ghà ibo gha, “Àghò jə ìtum njə̀g

Rm 4:2

Àmə yaʼ ni gha Abràham ya təm zen imbìghè abə Ŋwiye imbə̀ʼ inug chɔm ne məd ya ghi, nji məd we tì wì kɔm ìwi igo. Si ya gha, chəyi tì wì kɔm igo imbìghè abə Ŋwiye.

1 Kɔrèn 4:3

Inum ya gha, kə̀ àkə mbə̰ mbe sàʼa amə, kə̀ àkə bəd ndəŋ bə chùghi aseg ni saʼ amə, àze kayi anug mɔ̀ʼɔ inum. Tesiʼ ya gha, chəyi mə sàʼa àmə nyɔd.