1 Kɔrèn 3:5 - Ikan feg

⁵ Mbə̀ si mə̀ taŋ bìri inən. Àpolòs kə bè we? Kə̀ Pɔl kə bè we? Mba məjìm ya bəd àfàʼì Ŋwiye. Mbə̰ ya chè ina anjìm ni nɔ̀ŋì ìwən ibḛfiŋ igun Kristo. Wə̀d imɔʼ imɔʼ abɔ̀ʼ ina ya fàʼà àfàʼì ne Anɔŋisəg zi ibo ikye abo.

Meta’

⁵ Àpolòs kɨə we? Pɔ̂l bə̀ ə we? Tɨ̀ yɨə àmei bə̂d ə̀fàʼì mbe nɨ mbə̀ nyaʼa che ənjìm mɨ̀mə̌d ben ə Yeso Kristo. Wə̀d mɔʼ mɔʼ rəbɔʼ na wɨə fàʼ ə̀fàʼì ze nɨ Ə̀nùŋɨ̀sɨg nyaʼa naʼ ɨ bɔ.

1 Kɔrèn 3:5 Referans Kwoze

2 Kɔrèn 6:4

Si ya gha, icheg bəd àfàʼì Ŋwiye, tì ya chwìye ane iku inɔnjì ijìm gha, mba ya bəd àfàʼì chɔm: kə̀ àkə inga nyùmə̀ ni nyìʼ, kə̀ nyùmə̀ tiku ngəʼ ijìm, kə̀ nyùmə̀ ne inug mbe kà, kə̀ nyùmə̀ ibəʼ,

2 Kɔrèn 6:1

Mbə̰ ya bəd ne fɔrɔ fàʼà tì Ŋwiye. Ane, tì ya bòʼo ibo inən gha imbə̀ʼ mbə̰ sàŋa awən gha ìchɔ̀mì we ne wì ghi inən we chè ako.

1 Pità 4:10

Wə̀d imɔʼ imɔʼ ya wètè mə̀mbin ane ineʼi we ne Ŋwiye ghì ìchɔ̀mì ibo, nàʼ ibo. Wì ya ghìyə̀ ane abə bəd ane ikuchèg ijìm, ane fìŋ ifibì.

2 Kɔrèn 3:6

Wì fə ghì tì koʼ ni yaʼ bəd àfàʼì məd inga ikan feg. Ikan feg kayi mbi ŋwaʼri ŋwaʼri. À ya ikan ne Ŋwiye wàri ane àzi Azwighi. Mə̀nɔ̀ʼɔ̀ ne mbi ŋwaʼri ŋwàʼri ya yèʼe tì iwu, àsi Azwighi ze yèʼe tì ìtḛ̀.

2 Kɔrèn 11:23

Mbɔb kə bəd àfàʼì Kristo? Mo inum ya bə̀ wə̀d àfàʼì Kristo ne beri ati chè awɔb. Mə ya ghàmà anìŋ icheg atəd: Mə kirə ika ane ìfàʼì chè awɔb. Mə nyi ndəŋ aghəm nɔʼ nɔʼ. Mbe bə̀ ywìri mə aghəm nɔʼ nɔʼ. Mə bə̀ ghò pè ichug iwu aghəm nɔʼ nɔʼ.

2 Kɔrèn 4:7

Si ya gha, tè bèrì ighi àka inun mbo̰ inga ìta nyàmnyɔd ne yaʼi icheg mbè akwiye ìseg. Àzo̰ chwi gha ika kyen gho̰ ya nɔ̀ʼɔ̀ abə Ŋwiye kayi ina.

2 Kɔrèn 4:5

Chəyi tì ya chètè inug imbə̀ʼ ìwa nyɔd. Tì ya chètè yaʼ gha Yeso Kristo ya Anɔŋisəg, mba ya bəd àfàʼì inən imbə̀ʼ Yeso.

2 Kɔrèn 3:3

Ìwən ikuchèg chwi ze dù zen gha àŋwàʼrì ze ya Kristo ŋwàʼri chà awa tì yèʼe tì àzewən. Àŋwàʼrì ze ya kayi mbi ŋwàʼrì ane ìkɔŋ àŋwàʼrì igun ja kə̀ igun iba igho. À ya Kristo Ŋwàʼri inga fìŋ abə bəd ane Azwighi Ŋwiye we ne yaʼi izɔm.

1 Kɔrèn 3:10

Mə ya fàʼà ane ika we ne Ŋwiye ghi ìchɔ̀mì inum nàʼi inum. Mə ya fàʼà icheg wə̀d ne taŋ kyèri àfàʼì ni zèg ati kwàʼ icheg wə̀d ne zèghè ati nəb. Ane, wə̀d ndəŋ we se kɔ̀rɔ igun ati ze. Si ya gha, wə̀d imɔʼ imɔʼ niŋə nyumə̀ ane icheg ne wì ya kɔ̀rɔ igun ati ze.

1 Kɔrèn 12:28

Ŋwiye fə chɔʼ bəd inga ifeti bəd Kristo. Bəd mbègtog ya bədtɔm Kristo. Bəd ne bène abɔ̀ʼ ya bədkə̀n Ŋwiye. Bəd ne pè ane itad ya mə̀chwitinùg. Bɔŋ se nàʼà abə bəd ne ghìyə̀ iyeti inug, tì bəd ne beri tineʼi ni ghù ighɔn, tì bəd ne nàʼà àwètì abə mə̀mbin, tì bəd ne kyeri icheg ni saʼ bəd, tì bəd ne ghàmà ane tìngam iben ndəŋ.

1 Kɔrèn 9:17

Àmə yaʼ aghi ne mə chètè ikən chɔm imbə̀ʼ Kristo ane ìmə ighəm, nji mə biri kə̀b gha mbə naʼa chùd inum. Àmə yaʼ aghi ne kayi ane ìmə ighəm ne mə chètè ikən chɔm, nji mə ya fàʼà yaʼ anug ne Ŋwiye zi inum ikye ibo.

1 Kɔrèn 3:7

Ane, chəyi wə̀d ne nyɔ̀ʼɔ̀ kə̀ wə̀d ne chùbrə̀ yaʼ aghi mɔ̀ʼɔ. Wə̀d ne beri ati chè bəd məjìm ya Ŋwiye we ne ghìyə̀ ngwèd ze kwèghe.

Jn 3:27

Jɔn ya ywìtì inɔb gha, “Chəyi wə̀d ya bèrè aghi mɔ̀ʼɔ kirənde à ya Ŋwiye nàʼi ibo.

Lk 1:2

Mbɔb ŋwàʼrì kwàʼ icheg ne tì ya zughi abə bəd mbe ne ya bàri inug mbe ijìm nɔ̀ʼ ane nyùmə̀ ne Yeso ya ko àze àfàʼì. À ya bəd ne ya bə̀ fàʼ ni chètì ikən chɔm we.

Matìyò 25:15

Wì ya nàʼ ìbàn ikab gol ita̰ abə wə̀d àfàʼì fìbì, nàʼ ìbàn ibe abə ìwi ndəŋ, bə̀ nàʼ àbàn amɔʼ abə ìywin. Wì ya nàʼ inun ìbàn ikab gol mbe inɔb icheg ne tì wə̀d imɔʼ imɔʼ abɔ̀ʼ ya fàʼ tì ìmbi awən. Anyumə̀ ne mbaʼ àfàʼì we ya nàʼi ane, wì ya nɔ̀ʼ ghò yi ane igha̰.

Kòlosè 1:25

Mo ya wə̀d àfàʼì abə ifeti bəd Kristo icheg ne Ŋwiye ya chɔʼi amə chà, gha mə̀ taŋ tòʼrì inug ijìm mbe ne yaʼi inga Ìngam Ŋwiye inən, mbə̀ taŋ kyèri.

Efesùs 3:7

Mə ya fàʼà ni ghà ikən chɔm gho̰ anjìm ìchɔ̀mì Ŋwiye we ne wì che anjìm ika məd nàʼ inum.

Ɨ̀fàʼì 18:24

Anyumə̀ we ne Pɔl ya yaʼi a Gàlesìyà fɔrɔ a Fìrigìyà, Ju mɔ̀ʼɔ ne ikum məd ya Àpolòs ya ghò a Efesùs. Mbi ya gwi aməd a Àlèzandrìyà. Wì ya kyeri icheg ni ghàm abə bəd kwàʼ icheg chɔm bə̀ kyèri Ìngam Ŋwiye kwàʼ icheg chɔm.

Ɨ̀fàʼì 19:1

Anyumə̀ ne Àpolòs ya yaʼi a Kɔrèn, Pɔl ya chè atog atog inga isiŋi mbe inga aba aben ze ne ghò a Efesùs. Wì ya pè a Efesùs, bàd bəd mɔ̀ʼɔ ne ya bḛ Kristo.

Rm 15:16

Ane ya ni ghì gha, mə̀ yaʼ wə̀d àfàʼì chɔ̀m abə Yeso Kristo, ne məd tɔmi amə abə bəd mbe ne kayi mə̀Ju. Mə ya chètè ikən chɔm gho̰ icheg wə̀d mbàn Ŋwiye ni ghì gha bəd mbe ne kayi mə̀Ju si yaʼ kwàʼ aghi àfàtì chɔm abə Ŋwiye, bə̀ yaʼ bəd ne Azwighi Ŋwiye ghi awɔb mbi təm zen imbìghè abə Ŋwiye.

1 Kɔrèn 3:22

Kə̀ àkə Pɔl, kə̀ Àpolòs, kə̀ Pità, kə̀ isəg gho̰, kə̀ ìtḛ̀, kə̀ iwu, kə̀ nyùmə̀ isəg gho̰, kə̀ nyùmə̀ isəg we ne yèʼe, ighi mbo̰ ijìm ya Ŋwiye fə nàʼi inən.

1 Kɔrèn 16:12

Àsi imbə̀ʼ ìwa ifi Àpolòs, mə fə ghà ibo ywìrì bèʼri gha wì yèʼe inən abɔ̀ʼ mbin tì məfi mbe ne yaʼi bəd Kristo. Si ya gha, chəyi məd kə̀bi ni yèʼe amad anìŋ. Wì biri yeʼe anyumə̀ ne wì beri apan.

2 Kɔrèn 4:1

Icheg ne Ŋwiye chwi àzi àsɔ̀mnəfiŋ ina bə̀ nàʼ àfàʼì azo̰ ina, chəyi ìta fìŋ biri bɔd.

2 Kɔrèn 5:18

Inug mbo̰ ijìm nɔ̀ʼ abə Ŋwiye. Wì ya chè anjìm Kristo mànì achɔb tì ina. Wì fə zì àfàʼì ze ni mànì achɔb ina gha tì se fàʼà.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

1 Timotì 1:12

Mə nàʼ məyakà abə Yeso Kristo, ìwa Anɔŋisəg ne nàʼi ika inum. Wì ya niŋ gha mə kòʼ, chɔʼ amə gha mə̀ faʼa ibo.