Biblia Todo Logo
Bib sou entènèt

- Piblisite -




1 Kɔrèn 11:2 - Ikan feg

2 Mə we nàʼà məyakà inən imbə̀ʼ icheg ne mbə̰ mbe wènde amə aghəm ajìm. Mbə̰ mbe bə̀ ghìyə̀ inug məyi kwàʼ icheg ne mə̀ ya chwiti inən.

Gade chapit la Kopi

Meta’

2 Mə wɨə ben əwən ɨmbə̀ʼ ɨghəm nɨ mbə mbɨə kɔndɨ əmɨ ənɨ ɨnû jìm. Mə wɨə bə̀ ben əwən ni mbə mbɨə ghɨ̀ àmei ɨchî nɨ mə̀ nyaʼa chwi ɨ nən.

Gade chapit la Kopi




1 Kɔrèn 11:2
12 Referans Kwoze  

Icheg ne ze yaʼ anìŋ, ìmbum məfi fɔrɔ ìtum njàbi, mbə̀ taŋ təm kà ane ìwən ibḛfiŋ bə̀ taŋ nyìmi inug mbe ne tì ya chwiti inən. Mbə̀ nyìmi inug mbe ijìm, kə̀ àkə mbe ne tì ghàmi ghàmi, kə̀ mbe ne tì ŋwàʼri.


À ya aton ne mə cha Timotì abɔ̀ʼ inən. Məd ya ìmə ŋwan ne mə̀ taŋ kɔ̀ŋ. Məd we fàʼà abə Anɔŋisəg ane ìzi fìŋ ijìm. Məd biri ghì mbə wendi icheg ne mə̀ yaya ghìyə̀ inug anyumə̀ ne mə̀ ya bḛ Yeso Kristo. À ya bə̀ anug ne mə chwìte isiŋi ijìm inga tifeti bəd Kristo tijìm.


Ìmba məfi fɔrɔ ìta njàbi, tì ya ghà inən ane ikum Anɔŋisəg Yeso Kristo gha, imbə̀ʼ mbə̰ ya jə̀grə̀ awən tì bəd Kristo mbe ne ghìyə̀ igwed, ne chəyi mbe bə̀ zùgrə tikə te ne tì ya nàʼi inən.


Mbə̰ biri pum anjìm ikən chɔm gho̰ àmə yaʼ ne mbə̀ nyimi Ìngam Ŋwiye we ne mə̀ ya gha inən kwàʼ icheg chɔm. Àmə chəyi ane, nji inug mbe ne mbə̀ nɔŋi ibḛfiŋ igun ya ati ako.


Àkə chəyi mbə̀ beri ichan ne tì mbə̰ jəg bə̀ no inga ìmbən ichan? Kə̀ mbə̰ kə wèghè yaʼ ifeti bəd Ŋwiye bə̀ zìyè tìnìrètog igun bəd ne chəyi mbi beri ighi? Mbə kə kə̀bə̀ gha mə gha inən gha? Mə̀ wa naʼa məyakà inən ane inug mbo̰? Chəyi tì mə bḛ iku anug gho̰ ka.


Inga tikə te ne bène, chəyi mə̀ biri bḛ gha mbə̰ mbe ghìyə̀ inug ne koʼi imbə̀ʼ icheg ne anyumə̀ ne mbə̀ nyime ifeti ni ghumni Ŋwiye, mbə̰ ya ghìyə̀ yaʼ inug ne zìyè awən inga ngəʼ, kayi inug chɔm.


Mbɔb məjìm ya təm kòʼ imbìghè abə Ŋwiye. Mbɔb yaya zùgrə tikə bə̀ nɔ̀ŋɔ̀ mə̀nɔ̀ʼɔ̀ Anɔŋisəg kwàʼ ane icheg ne koʼi.


Timotì chere pè abɔ̀ʼ ina icheg ne wì nɔ̀ʼi abɔ̀ʼ inən. Wè ghà inug chɔm ina imbə̀ʼ ìwən ibḛfiŋ fɔrɔ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi. Wì bə̀ mə̀tì icheg ne mbə̰ mbe kɔ̀ndɔ awa bə̀ wènde ìmba inug chɔm. Wè mə̀ti icheg ne mbə̰ mbe kə̀bə̀ ni bàd awa icheg ne mba mbe bə̀ kə̀bə̀ ni bàd awən.


Wə̀d imɔʼ imɔʼ chughi məyi icheg ne Anɔŋisəg ghi gha wì chughi. Wì bə chughi məyi kwàʼ icheg ne Ŋwiye ya kàri aməd. Àzo̰ ya ikə ne mə nàʼà abə tifeti bəd Kristo tijìm.


Ka mbə̰ ya jiʼì yaʼ awən inga ngəʼ, mbə̰ ya fə ko ni ghì inug icheg Anɔŋisəg bə̀ fɔrɔ icheg ina. Mbə̰ ya niŋ ikən chɔm we ane igyendi ne Azwighi Ŋwiye ze nàʼà.


Swiv nou:

Piblisite


Piblisite