Ruma 3:12 - Manobo Matigsalug

¹² Mig-inniyuhan dan langun ka Manama wey warad karuan dan diye te kandin; wey ware minsan sabeka ne miggimu te meupiya.

Ruma 3:12 Referans Kwoze

1 Pidru 2:25

Su sikaniyu dengan, nekeiling kew te me karniru ne nenallaag, piru kuntee, nakalibed kew e diye te Talagtameng wey Talagtanggu te me gimukud niyu.

Pilimun 1:11

Dengan, ware pulus ni Unisimu diye te keykew, piru kuntee, dakel e ka igkabulig din keykew wey minsan kayi te keddiey degma.

Ipisu 2:3

Sikanta degma, langun ta dengan ne nekeiling kandan ka pegbebatasan wey innimu ta ka minsan nekey ne mareet ne igkeupii ta ne eggimuwen. In-ikul ta ka mareet ne igkeupii te me lawa ta wey ka mareet ne me suman-suman ta. Ne puun te pegkeetew ta, eleg de iya ne eglegparan ki te Manama, iling degma te duma ne me etew.

Matiyu 25:30

Ne seini se ware gulehud ne suluhuanen, iregpak niyu diye te lihawangan ne marusilem. Ne diye, egpandalawit sikandin wey egpegkihet te ngipen din.’

Ruma 3:11

ware sabeka ne egpakasabut te Manama wey ware egpammitew kandin.

Ruma 3:13

Egpekeiling te egngareg ne lebeng ka abelengan dan, inggamit dan ka me dile dan te pegpanlimbung wey egpekeiling te lalas te uled ka me lalag dan.