Me Himu 7:36 - Manobo Matigsalug

³⁶ Sikandin ka migpangulu kandan te mig-awe diye te Ihiptu, wey due me kein-inuwan wey me palinneu ne innimu rin diye te Ihiptu wey diye te Malalab ne Dahat. Miggimu man-e sikandin te iling due seled te hep-at ne pulu (40) ne leg-un diye te mammara ne inged ne kene egkeugpaan.

Me Himu 7:36 Referans Kwoze

Hibruwanen 8:9

Ne seini, kene ne iling te kasabutan ne innimu ku diye te me kaap-apuan dan te ingkitkit ku sikandan te peg-awe dan diye te inged ne Ihiptu. Ware dan tumana ka sika ne kasabutan, purisu imbalahad ku sikandan, kahi te Magbebaye ne Manama.

Me Himu 13:18

Ne seled te hep-at ne pulu (40) ne leg-un, naantus te Manama ka pegsukul ran kandin diye te mammara ne inged ne kene egkeugpaan.

Me Himu 7:42

Piru in-engkeran sikandan te Manama wey imbalahad sikandan ne egsimba te me bituen diye te langit, sumale te insulat te baseen te me prupita, ‘Me kabuhalan ni Israil, sikeddi ka impanubaran niyu wey ka inhalaran niyu seled te hep-at ne pulu (40) ne leg-un diye te mammara ne inged ne kene egkeugpaan?

Huwan 4:48

Migkahiyan sikandin ni Hisus, “Wey kew re egpalintutuu keddi ke egpakakita kew te me palinneu wey me kein-inuwan ne himu.”

Hibruwanen 3:8

kene niyu pakehala ka me ulu niyu, iling te innimu te me kaap-apuan niyu dengan te pegsupak dan te Manama pinaahi te peg-eleg-eleg dan kandin diye te mammara ne inged ne kene egkeugpaan.”

Hibruwanen 3:9

Su migkahi ka Manama, “Minsan nakakite e ka me kaap-apuan niyu te innimu ku seled te hep-at ne pulu (40) ne leg-un, in-el-elehan e pad nikandan.