Me Himu 1:20 - Manobo Matigsalug

²⁰ “Su nasulat diye te baseen ne Salmu ne miggenendue, ‘Eg-engkeran e perem ka ugpaan din, wey warad e perem eg-ugpe dutu.’ Nasulat ded man-e ne miggenendue, ‘Due perem igliwan te katungdanan din.’

Me Himu 1:20 Referans Kwoze

Me Himu 1:25

ne egkeyimu ne apustulis liwan ki Hudas, su mig-engkeran din ka sika ne himu wey miggendiye te inged ne eleg kandin.”

Me Himu 13:33

intuman din kayi te kanta te me kabuhalan dan pinaahi te peg-uyag ki Hisus. Seini ka nasulat te igkarangeb ne Salmu ne miggenendue: ‘Anak ku sikeykew; Ne kuntee, igpanengneng ku ne amey ad e nikeykew.’

Lukas 24:44

Ne migkahiyan din sikandan, “Seini ka ingkahi ku kaniyu te dume e pad kaniyu, ne keilangan ne egkatuman ka langun ne nasulat te Balaud ni Muwisis wey te me prupita wey diye te me Salmu meyitenged keddiey.”

Lukas 20:42

Su minsan si Dabid, migsulat sikandin diye te Libru te me Salmu, ‘Ka Manama migkahi diye te Magbebaye ku: Pinnuu ka kayi te igkakawanan ku,

Me Himu 1:16

“Me suled, keilangan ne egkatuman ka diye te Kasulatan ne ingkahi te Panisingan pinaahi ki Dabid. Meyitenged seini ki Hudas, ka migpanulu te me etew ne migdakep ki Hisus.