Matiyu 26:33 - Manobo Matigsalug

³³ Ne migkahiyan ni Pidru si Hisus, “Minsan pad ke eg-engkeran ka te langun, kena ad iya eg-engked keykew.”

Matiyu 26:33 Referans Kwoze

Lukas 22:33

Migtabak si Pidru, “Magbebaye, andam ad e ne eg-unung keykew minsan egprisuwen wey eggimatayan.”

Pilipus 2:3

Kene kew himu te minsan nekey ne para re te keupianan niyu wey puun de te hambug niyu, ke kene, pariralem kew wey sumsumana niyu ne meupiya pad ka duma kuntere kaniyu.

Ruma 12:10

Paheyinaweey kew te tagse sabeka iling te pegpaheyinaweey te tagtahasuled, wey pegtagtahurey kew amana.

Markus 14:29

Ne migkahiyan ni Pidru si Hisus, “Minsan eg-engkeran kad te langun, kena ad iya eg-engked keykew!”

Huwan 21:15

Te nakapenge e sikandan ka miglem-ag, mig-insaan e ni Hisus si Simun Pidru, “Simun ne anak ni Huwan, miggeyinawaan e red nikeykew subla pad te duma kayi?” Ne migtabak si Pidru, “Uya Magbebaye, nakanengneng ka te miggeyinawaan ku sikeykew.” Ne migkahiyan sikandin ni Hisus, “Tangguwa nu ka me nati ne karniru ku.”

Matiyu 26:32

Piru te pegkapenga te peg-uyag keddi, eggun-a ad e kaniyu diye te Galiliya.”

Matiyu 26:34

Ne migkahiyan ni Hisus si Pidru, “Egnangenan ku sikeykew te malehet: te kene pad eg-ukale ka manuk te seini ne karusileman, katatelu ad nikeykew igpahunware.”