Matiyu 19:4 - Manobo Matigsalug

⁴ Ne migtabak si Hisus, “Ware kew bes nakasabut te imbasa niyu diye te Kasulatan ne puun pad te an-anayan innimu e sikandan te Manama ne lukes wey malitan?

Matiyu 19:4 Referans Kwoze

Lukas 10:26

Ne migtabak si Hisus kandin, “Nekey ma ka insulat diye te Balaud te Manama? Immenu nu ma seini te egsabut?”

Matiyu 22:31

Na, meyitenged te pegkeuyag te me minatey, ware kew bes nakasabut te imbasa niyu ne ingkahi te Manama due te kaniyu ne miggenendue,

Matiyu 12:3

Piru migtabak si Hisus, “Ware kew bes nakasabut te imbasa niyu meyitenged te innimu ni Dabid te miggutasan sikandan te me duma rin?

Markus 12:26

Na, meyitenged te peg-uyag te me minatey, ware kew bes nakasabut te imbasa niyu ne insulat ni Muwisis meyitenged te nalegleg ne sapinit ke hendei kahii sikandin te Manama, ‘Sikeddiey ka Manama ni Abraham, ka Manama ni Isaak, wey ka Manama ni Hakub’?

Markus 12:10

Ware kew bes nakasabut te imbasa niyu diye te Kasulatan ne eggenendue, ‘Ka batu ne insamsamilian te me talagbebaley, nasi neyimu ne batu ne pabunsuran.

Markus 2:25

Ne migtabak si Hisus diye te kandan, “Ware kew bes nakasabut te imbasa niyu meyitenged te innimu ni Dabid te miggutasan sikandan te me duma rin su warad egkeenen dan?

Matiyu 21:42

Ne migkahiyan ni Hisus sikandan, “Ware kew bes nakasabut te imbasa niyu diye te Kasulatan ne eggenendue, ‘Ka batu ne insamsamilian te me talagbebaley, nasi neyimu ne batu ne pabunsuran. Himu seini te Magbebaye ne Manama, wey igkeinu-inu ta seini’?”

Lukas 6:3

Ne migkahiyan ni Hisus sikandan, “Ware kew bes nakasabut te imbasa niyu meyitenged te innimu ni Dabid te miggutasan sikandan te me duma rin?

Matiyu 21:6

Nataman, nangipanew e ka me hibateen din wey intuman dan ka insuhu ni Hisus.