Markus 6:8 - Manobo Matigsalug

⁸ Ne impanagtahaan din sikandan ne kene egpeuyanen te minsan nekey gawas te tuked. Kene sikandan egpeuyanen te keenen, kabil, wey te seleppi.

Markus 6:8 Referans Kwoze

Lukas 9:3

Ne migkahiyan din sikandan, “Kene kew uyan te minsan nekey te peggipanew niyu: kene kew uyan te tuked, kabil, keenen, seleppi, wey eg-ilisan niyu ne kumbale.

Lukas 10:4

Kene kew uyan te kemuyut, kabil, wey sandal; kene kew sanggel eyew eg-elit-elit te minsan hentew diye te dalan.

Lukas 22:35

Ne migkahiyan sikandan ni Hisus, “Nakulangan kew naa te impeendiye ku sikaniyu dengan ne ware in-uyan ne me sening, puntil, wey sandal?” Ne migtabak sikandan, “Ware.”

Markus 6:9

Egpasesandalen sikandan piru kene egpeuyanen te eg-ilisan.