Markus 12:34 - Manobo Matigsalug

³⁴ Te pegkakita ni Hisus ne natuenan ka tabak te talagpanulu te Balaud te Manama, migkahiyan din e sikandin, “Mahaan kad e egkasakup te Migharian te Manama.” Ne puun dutu warad e egpaalag-alag ne eg-inse-inse kandin.

Markus 12:34 Referans Kwoze

Kulusas 4:6

Keilangan ne ka peglalag-lalag niyu, layun meupiya wey manedted, eyew egpakataha kew ke egmenuwen niyu te egtabak ka langun ne eg-inse kaniyu.

Lukas 20:40

Ne warad e egpaalag-alag ne eg-inse-inse kandin.

Matiyu 22:46

Ne ware sabeka ne nakatabak ki Hisus, ne puun te seeye ne aldew, warad e egpaalag-alag ne eg-inse-inse kandin.

Galasya 2:19

Su ka Balaud te Manama ka nakapanulu keddi ne kena a egkaluwas pinaahi te pegtuman ku kayi. Ne hendue te migpatey ad e pinaahi te Balaud su eyew egkeuyag a para te Manama.

Ruma 7:9

Manekal e pad dengan te ware e pad nakasabut te Balaud, piru te nakasabut ad e, hendue te naalimukawan ad te tapey ne pegkamakasesale ku

Matiyu 12:20

Kene din eggepuen ka nabegkul ne luwey, wey kene din eg-ebukan ka sulu ne egpangalap-halap naan de se legleg. Egpabulus sikandin te eggimuwen din taman te egkatuman e ka matareng ne igkeupii te Manama.

Matiyu 12:15

Pegkanengnengi ni Hisus te planu ran, mig-awe e sikandin dutu. Ne masulug ne etew ka migsinundul kandin wey impamawian din ka langun ne egmanderalu,