Lukas 5:9 - Manobo Matigsalug

⁹ Nakahi rin sika su neinu-inu sikandin wey ka me duma rin te amana ne dakel ka neutel dan.

Lukas 5:9 Referans Kwoze

Lukas 4:32

Neinu-inu ka me etew te kandin ne pegpanulu su due geem te kandin ne lalag.

Markus 9:6

Nakahi rin sika su ware sikandin nakanengneng ke nekey ka iglalag din su nenaaldek ma sikandan.

Lukas 4:36

Neinu-inu ka langun ne etew wey migpanangnangeney ne migkahi, “Nekey buwa seini ne pegpanulu? Mania te due katenged wey geem te seini ne etew ne egpaawe te busew?”

Lukas 5:8

Te pegkakita ni Simun Pidru dutu, migpanimbuel sikandin diye te tangkaan ni Hisus ne migkahi, “Magbebaye, pariyu ka keddiey su makasesala a ne etew.”

Lukas 5:10

Neinu-inu degma ka me duma ni Simun ne ensi Santiyagu wey Huwan ne me anak ni Sibidiyu. Ne migkahiyan ni Hisus si Simun, “Kene ka kaaldek. Puun kuntee, etew e ka eggingutelen nu.”

Lukas 2:18

Ne neinu-inu ka langun ne nakarineg te guhuren te me talagtameng te karniru kandan.