Lukas 24:52 - Manobo Matigsalug

⁵² Ne indayan dan sikandin, wey miglibed e sikandan diye te Hirusalim ne amana nahale-gale.

Lukas 24:52 Referans Kwoze

Matiyu 28:9

Te diye pad sikandan te deralanen, sahuhune ne miglambag si Hisus kandan wey migkahi, “Meupiya red.” Ne migparani sikandan ki Hisus wey inggen-genan dan ka paa rin wey insimba ran e sikandin.

Huwan 16:22

Iling ded degma ka egkeyitabu kaniyu: kuntee, egkalaggew kew, piru egpakigkite e red kaniyu man-e wey egkahale kew red kangkuwa. Ne ware egpakaahew kaniyu te kahale niyu.

1 Pidru 1:8

Miggeyinawaan niyu sikandin minsan ware niyu nakita. Ne minsan ke kene niyu sikandin egkakita kuntee, piru egpalintutuu kew wey egsalig kandin. Ne kene egkatirew wey ware egkeilingan te kahale niyu

Huwan 20:28

Ne migkahiyan sikandin ni Tumas, “Magbebaye ku wey Manama ku!”

Huwan 14:28

Mignangenan kud sikaniyu te eggipanew a, piru eglibed e red kayi te kaniyu. Ke miggeyinawaan a nikaniyu, egkahale kew perem ne egpekeendiya a te Amey ne labew pad keddiey.

Matiyu 28:17

Te pegkakita ran kandin, insimba ran e sikandin piru migduwa-ruwa ka duma.

Huwan 16:7

Piru egnangenan ku sikaniyu te malehet: egpakameupiya kaniyu ne eg-awa a kayi su emun ke kene, kene eggendini te kaniyu ka Talagpangabang. Piru ke eg-awa ad, igpasubal kud seini kayi te kaniyu.

Lukas 24:51

Te egkalihet sikandin ne egpanalangin kandan, egkahan-ganaran e degma sikandin egkabatun diye te langit.

Lukas 24:53

Ne layun de sikandan diye te timplu eyew te pegpasalamat te Manama.

Me Himu 1:12

Nataman, nanlibed e ka me apustulis diye te Hirusalim puun diye te Bubungan te Ulibu, me sabeka ne kilumitru ka kariyuan puun te siyudad te Hirusalim.