Lukas 2:47 - Manobo Matigsalug

⁴⁷ Ka langun ne nakarineg kandin, neinu-inu sikandan te katuenan din wey te pegpanabak din.

Lukas 2:47 Referans Kwoze

Matiyu 7:28

Te pegkapenga ni Hisus te miglalag, neinu-inu ka masulug ne me etew te kandin ne pegpanulu

Lukas 4:32

Neinu-inu ka me etew te kandin ne pegpanulu su due geem te kandin ne lalag.

Huwan 7:15

Ne dutu, neinu-inu ka me pangulu te me Hudiyu wey migkahi, “Immenu rin buwa te pegkateu te ware ma sikandin nekeiskuyla?”

Markus 1:22

Ne neinu-inu ka me etew te kandin ne pegpanulu su due geem te pegpanulu din, wey kene ne iling te me talagpanulu te Balaud te Manama.

Huwan 7:46

Ne migtabak ka me talagbantey, “Ware de due etew ne nekeiling kandin ke eglalag!”

Lukas 4:22

Nakareyrey sikandan langun ki Hisus wey neinu-inu te me meupiya ne guhuren ne inlalag din. Migkahi sikandan, “Kene naa ne anak ni Husi seini?”

Matiyu 13:54

wey mig-uli e diye te lungsud ne intulinan din. Ne migpanulu sikandin diye te simbaan te me Hudiyu, wey neinu-inu ka nakarineg kandin wey migkahi, “Hendei buwa nakakuwa sikandin te katuenan wey geem te peggimu te kein-inuwan?

Matiyu 22:33

Te pegkarineg dutu te masulug ne etew, neinu-inu sikandan te pegpanulu din.

Markus 6:2

Te pegginguma te Aldew te Peggimeley, migpanulu si Hisus diye te simbaan te me Hudiyu. Ne masulug ka nakarineg kandin ne neinu-inu ne migkahi, “Hendei rin buwa natueni seini langun? Hendei rin buwa nakuwa ka katuenan din? Immenu rin buwa te eggimu te me kein-inuwan?

Markus 11:18

Te pegkarineg dutu te pangulu te me talagpanubad wey te me talagpanulu te Balaud te Manama, migpammitew e sikandan te paahi eyew egkeyimatayan dan si Hisus. Piru naaldek sikandan ki Hisus tenged su nana-naayan ka susuluhi ne etew te pegpanulu din.

Lukas 2:46

Te igkatelu e ne aldew, nakita ran e si Hisus diye te timplu ne migpinnuu duma te me talagpanulu te Balaud te Manama. Migpammineg sikandin wey mig-inse-inse kandan.

Lukas 2:18

Ne neinu-inu ka langun ne nakarineg te guhuren te me talagtameng te karniru kandan.