Lukas 10:19 - Manobo Matigsalug

¹⁹ Pammineg kew! Imbehayan ku sikaniyu te geem eyew egkaayun kew ne egdiek te me uled wey me salipitsipit wey te langun ne geem te kuntere niyu. Ne kene kew egkamenu.

Lukas 10:19 Referans Kwoze

Markus 16:18

Ke egpakahen-gen sikandan te me uled wey ke egpekeinum te minsan nekey ne eggilu, kene sikandan egkamenu. Ne emun ke igtel-eb dan ka me belad dan te egmanderalu, egkengeulian sikandan.”

Ruma 16:20

Te kene egkaluhey egkatalu te Manama te keupianan si Meibulan wey egdi-diekan ta sikandin. Ka keupiya wey keyid-u te Magbebaye ta ne si Hisus, egkaangken niyu.

Me Himu 28:5

Piru insawile de ni Pablu ka uled diye te hapuy ne ware sikandin namenu.

Impakita 11:5

Ke due egkeupian ne egdereet kandan, due eglihawang ne hapuy diye te me be-be dan ne egpakatutung te me kuntere dan; wey sika ka egpakapatey te egkeupian ne egdereet kandan.

Lukas 11:12

Ne ke egbuyu sikandin te atelug, egbehayan niyu naa sikandin te salipitsipit? Kene iya!