Impakita 22:12 - Manobo Matigsalug

¹² Migkahi si Hisus, “Pammineg kew! Mahaan ad e egginguma, wey eg-uyan a te unag eyew igbehey te tagse sabeka sumale te hinimuwan din.

Impakita 22:12 Referans Kwoze

Matiyu 16:27

Su egginguma ka Anak te Etew ne egdumaan te katelesan te Amey rin, ne iyan din duma ka me panalihan din. Ne egkataman eg-unahan din e ka tagse sabeka ne etew sumale te himu rin.

1 Kurintu 3:14

Ne emun ke kene egkatutung ka impasasindeg diye te pabunsuran, egpakarawat te dasag ka migpasasindeg due.

1 Kurintu 3:8

Sika se migpamula wey ka migbisbis, nekeg-iling de ka katuyuan dan, wey egdasahan te Manama ka tagse sabeka sumale te hinimuwan din.

Impakita 22:7

Migkahi si Hisus, “Pammineg kew! Mahaan ad e egginguma! Keupianan te seeye se migtuman te langun ne intagne te seini ne baseen!”

Ruma 14:12

Sikan naa, tagse sabeka kanta egpanabak diye te Manama meyitenged te immangimu ta.

Impakita 11:18

Nenabelu ka me etew ne ware migmalintutuu keykew, piru miggingume e ka timpu te langet nu wey ka timpu te peggukum nu te nenammatey. Miggingume e degma ka timpu ne egdasahan nud ka me suluhuanen nu, ka me prupita, wey ka keet-etawan nu, wey ka langun ne migtahud keykew, mabantug ma wey se kene. Seinid e ka timpu ne egdereetan nud ka me talagdereet te nangugpe te kalibutan!”

Impakita 20:12

Ne nakita ku ka me minatey ne mabantug wey se kene, ne nanasindeg diye te tangkaan te trunu. Ne imbelat ka me libru wey duen pad man-e libru ne imbelat ne iyan ka Libru te Umul. Miggukuman ka me minatey sumale te hinimuwan dan ne nakasulat diye te me libru.

Impakita 22:20

Ne migkahi ka migpamalehet te langun ne nakasulat te seini ne baseen, “Mahaan ad en iya egginguma!” Malehet iya! Hendini kad e Hisus ne Magbebaye!

Impakita 2:23

Egguleen ku te eggimatey ka me hibateen din eyew egpakataha ka langun ne punduk te migmalintutuu ne sikeddiey ka egpakanengneng te suman-suman wey ke nekey ka diye te pusung te etew. Ne eg-unahan ku ka tagse sabeka sumale te hinimuwan din.

Impakita 3:11

Mahaan ad egginguma, purisu desdeseni niyu ka malehet ne pegpanulu ne miggen-genan niyud eyew ware egpakaahew te unag niyu.