Yoãm 5:18 - Maxakalí O Novo Testamento

¹⁸ Yĩy ta' gãy xexka Yoneo xop, hu Yeyox putex putup. Yã Yeyox te nit xap yõg xat'ax koxyõy, tu Topa 'ãktux hu: “Yognũ 'ãtak”. Kaxĩy. Yã Topa putuk Yeyox. Yĩy ta' gãy Yoneo xop.

Yoãm 5:18 Referans Kwoze

Yoãm 10:33

Ha Yoneo xop te: —'Ũgmũ'ãtep-tup, nũy 'ãtux mĩkaxxap hã. Yã xate hãpxop kummuk mĩy, yã Topa 'ãktux kummuk, yã xate' xuktux 'ãmũn yã Topah, pa 'ãmhok, yã tihik 'ãmũn. Kaxĩy.

Yoãm 10:30

Yõgnũ 'ãtak 'ũxexka xik mũn yã yãy putuk. Kaxĩy.

Yoãm 19:7

Pa Yoneo xop te hãm'ãktux yãnãn, hu: —'Ũkax'ãmi 'ũgmũ yõg xat'ax, tu nõm te' xat, pup-tex. Hamũn, tute hãm'ãktux, “Ũgmũn yã Topak-tok”. Kaxĩy.

Yoãm 8:58

Ha Yeyox te: —'Ãte xa hãpxe'e 'ãktux. Hõmãg xip ha kunãy tu' xip 'Amanãm. 'Ũgxip mõkumakmõg. Kaxĩy.

Yoãm 14:23

Ha Yeyox te: —Tikmũ'ũn 'ũm tek putuppax, yã nõm te yõgnũ hãm'ãktux pap-tup, tu' mĩy putup, ha yõgnũ 'ãtak te nõm putuppax, tu' nũn putup, tu nũktu nõm ha' xupep, tu' xip putup nũmũtik.

Yoãm 5:23

puyĩy 'ũgmũn pe tu paxeh xexkah, yã tikmũ'ũn te 'ãtak pe'paxex xexka putuk. Tikmũ'ũn 'ũm tek-tok pe'paxex xexka 'ohnãg, tu 'ãtak pe'paxex xexka 'ohnãg kamah. Yã 'ãtak te yãy kutok nũ'kutnãhã'.

Pinipẽn 2:6

Kunnix yã Topa yãy putuk, pa Kunnix xupkũmĩy 'ohnãg,

Apokalipse 22:3

'Ap xip'ah hãpxop kummuk, Topa te nõm putup nõg. Ha ta' xip kõmẽn kopa Topa yõg mĩmpe yũm'ax xe'ẽgnãg xix Kahnẽn Kutok yõg, ha yõg kãmãnat te Topa pu nũktettex xix Kahnẽn Kutok pu nũktettex,

Apokalipse 22:1

Ha pexkox yõg nũ'kutnã'ax te 'ã' mũg kõnãg kox, ha yõg kõnã'ãg te tikmũ'ũn hĩnnãhã', tu kuyãnãm mĩy, tu' tup, tu kinixat putuk. Kõnãg kox te Topa yõg mĩmpe yũm'ax xe'ẽgnãg tu' xupep xix Kahnẽn Kutok yõg,

Yoãm 8:54

Ha Yeyox te: —Paxpu 'ãte yãy max 'ãktux, tu yãy xexka mĩy, puxix tu' kummuk, yã hãm'ãktux kummuk. Pa yõgnũ 'ãtak tek mũn max 'ãktux, tuk xexka mĩy. Yã yõgnũ 'ãtak te' mĩy. Yõgnũ 'ãtak yã 'ãxop te' xãnãhã', hu: “Topa yũmũ yõg”.

Yoãm 7:19

Hõmã Mõyyex te xa' popmãhã Topa te nõm xat. Hamũn, pa 'ãxop xohix te' mĩy 'ohnãg Topa yõg xat'ax. Teptu 'ãxop tep-tup, nũy 'ũkputex? Kaxĩy.

Yoãm 7:1

Ta' mõg Yeyox, tu hãpkumep hãpxexka Ganinet tu'. 'A' putup'ah, nũy hãpkumep hãpxexka Yonex tu', yã Yoneo xexka xop tep-tup, nũy Yeyox putex Yonex tu'.

Yoãm 5:16

Yĩy ta' gãy Yoneo xop, hu Yeyox kute'ex kummuk. Yã nit xap 'ĩhã tik hittupmãhã'.

Yoãm 14:9

Ha Yeyox te: —'Ãmnĩy xohix hãg xip 'ãxop mũtik. Pinip, 'ok xatek yũmmũg 'ohnãg? Tikmũ'ũn 'ũm tek pẽnãhã', hu yõg 'ãtak pẽnãhã kamah. Teptu xate' xuktux, hu: “'Ãpu 'ũgmũ'ã 'õg 'ãtak mũg”? Kaxĩy.

Mãteo 12:5

'Ok mõ'kupix hok xate'? Mõyyex te' xat, pu 'ãmãnex xop hãm nit xap 'ĩhã', Topa pet xexka kopa hãpxopmãhã', tu hãpxopmã max.

Yoãm 1:19

Ha ta' pip Yoneo xexka xop kõmẽn Yenoyanẽn tu', tu mõ'pok 'ãmãnex xop xix Nemi yõg xop, puyĩy Yoãm yĩkopit. Ha ta' nũn, tu nũktu' yĩkopit, hu: —'Ũ'ũm 'ãmũn? Kaxĩy.

Yoãm 5:15

Ta' mõg tihik, tu Yoneo xop pu hãm'ãktux hu: —Yeyox tek hittupmãhã'. Kaxĩy.

Yoãm 5:17

Pa Yeyox te tu hãm'ãktux, hu: —Yõgnũ 'ãtak hãm mõkuma'mõg, tu' hup 'ohnãg, ha tak hãm kamah. Kaxĩy.