Yoãm 18:12 - Maxakalí O Novo Testamento

¹² Hãpxip 'ĩhã xonat xop te Yeyox mũg xix xonat xop yõg kapitãm te' xix Topa pet xexka yõg xonat xop te', tu Yeyox kĩy,

Yoãm 18:12 Referans Kwoze

Yoãm 18:3

Ha ta' nũn Yot xonat xop mũtik xix Topa pet xexka yõg xonat xop mũtik. Yã 'ãmãnex xexka xop te nũ'pok Topa pet xexka yõg xonat xop xix Paniye xop te, ha mĩkaxxaxka taha' xix mĩm topnãg pop xix kuyãnãm tat'ax tat.

Mãteo 26:57

Ha tikmũ'ũn te Yeyox mũg, tu Kaxpax pet ha' mõgãhã', ha Kaxpax yã 'ãmãnex xop xat'ax, ha tik xop te hãmyũmmũg pip, xix Yoneo xexka xop nũn, tu yãy tu nũ'nãhã Kaxpax pet kopah.

Yeyox Yõg Mõ'pok Xop Te Hãpxopmãhã' 21:37

Ha xonat pet ha' mõgãhã', 'ĩhã Paot te: —'Ok xatek tux hok 'ũ hãm'ãktux? Kaxĩy.

Yeyox Yõg Mõ'pok Xop Te Hãpxopmãhã' 21:31

Ha tikmũ'ũn te Paot putex putup, ha tik 'ũm te xonat yõg Kononeo pu hãm'ãktux, hu: —Yenoyanẽn yõg tikmũ'ũn xohix gãy nãm! Kaxĩy.

Nok Te Yeyox 'Ãktux 22:54

Ha' mũg, tu' mõgãhã 'ãmãnex xat'ax pet hah, ha Pet te hãptox tu' pe' mõg,

Mã'ak 15:1

Mãyõn xupep 'ĩhã yãytunũ'nãhã 'ãmãnex xexka xop, xix Yoneo xop yõg xexka xop, xix tik te hãmyũmmũg xop, tu hãm'ãktux tik pa te hãmyũmmũg xop mũtik. Ha ta xonat xop te Yeyox hĩy, tu ta' mõgãhã Pinat hah, tu mõktu Pinat pu Yeyox hõm.

Mã'ak 14:53

Hãpxip 'ĩhã tikmũ'ũn te Yeyox mõgãhã tik te 'ãmãnex xop xat pet tu', tu mõktu' mõxaha', ha' pip 'ãmãnex xexka xop, xix Yoneo xop yõg xexka xop, xix tik te hãmyũmmũg xop.

Mãteo 27:2

tu' kĩy, tu Gohenanok Pinat ha' mõgãhã'.

Yeyox Yõg Mõ'pok Xop Te Hãpxopmãhã' 23:10

Ha' gãy xexkah, yĩy xonat yõg Kononeo te Paot hã' yĩpkutuk, tu' xat, pu' xut, tu xonat pet ka'ok ha' mõgãhã'.

Mãteo 27:27

Hãpxip kutõgnãg 'ĩhã Pinat yõg xonat xop te Yeyox mõgãhã Gohenanok Pinat pet xexka hah, ha xonat xop te yãy tu nũ'nãhã', tu Yeyox yĩmmap hã' pip,

Yeyox Yõg Mõ'pok Xop Te Hãpxopmãhã' 10:1

Ha tik puknõg 'ũm 'ãxet'ax Kohnẽn, tu kõmẽn xexka Xeyanet kopa' pet, tu 'Itat yõg xonat xop hã kapitãm.