Paot Te Tit Pu Tappet Kax'ãmi' 2:8 - Maxakalí O Novo Testamento

⁸ 'Ãpu hãm'ãktux yok, puyĩy tikmũ'ũn hãm'ãktux kummuk hã kutex 'ohnãg. Paxpu kute'ex, puxix yãyhãhup, tu' yẽy.

Paot Te Tit Pu Tappet Kax'ãmi' 2:8 Referans Kwoze

1 Pet 2:12

Topa yũmmũg 'ohnãg xop pip, hu 'ãxop xakot. 'Ãpu hãpxopmã max xexka'. Nõm te 'õg hãpxopmã max pẽnãp-tup. Nõm te hãm'ãktux putup 'ãxop kummuk, pa nõm te' yũmmũg putup 'ãxop te hãpxopmã max punethok. Nõm te' yũmmũg putup nõm hãptup 'ĩhã putpu' nũn Yeyox Kunnix. Nõm te' yũmmũg putup 'ãxop max. Yã Topa 'ãkutux max putup.

1 Pet 2:15

Tikmũ'ũn te hãm'ãktux hitop, yã tikmũ'ũn hitop. Topa tep-tup, puyĩy tikmũ'ũn 'õg hãpxopmã max pẽnã', nũy tu' yẽy, yã hãm'ãktux hitop kux.

1 Pet 3:16

Xate yãy kuxa mãm'ax 'ãktux putup, tu xate hãm'ãktux max putup, tu' nõy 'ãpak max putup.

1 Tĩmõn 6:3

Ta nõm 'ũm te tikmũ'ũn pu hãpxopmã'ax nõy yũmmũgãhã', yã yũmũg xuxyã Yeyox Kunnix yõg hãpxopmã'ax putuk'ah, xix yũmũ yõg putuk'ah.

2 Texanõn 3:14

Pa' pip 'õnte, nõm te nũ' tappet putup nõg putup, tu nõm 'ãpak putup'ah. 'Ãpu tik te kaxĩy tu 'ãti hok, puyĩy yãy yõg hãpkummuk mĩy'ax hã yãyhãhup.

1 Tĩmõn 5:14

Yã' max, pu nõm yãytax, nũy tuk-tok pop, nũy yĩnmũn pẽnã max, ha mõktu Kunnix kopa kuxa mãm xop kũnãpa pip xop hãm'ãktux kummuk mĩy hok.

Nok Te Yeyox 'Ãktux 13:17

Ha' gãy xop te yãyhãhup, tu' yĩy 'ohnãg, 'ĩhã tikmũ'ũn te Yeyox yõg hãpxopmã'ax xohix putup pax, tu' kuxa hittup.

Mã'ak 12:34

Ha Yeyox te' yũmmũg tik te hãmyũmmũg, yã hãm'ãktux max. Yeyox te: —'Ãxip Topa yõg xop yĩka' Topa te nõm xat, ha' yĩpkox pip. Kaxĩy. Ha tikmũ'ũn kuxa nõg, hu xe hãpxop nõy yĩkopit 'ohnãg.

Mã'ak 12:32

Ha tik te: —Notot, yã hãm'ãktux max! 'A' koit'ah. Yã' xip Topap-xet, ha ta' nõy 'ũm 'ap xip'ah.

Mã'ak 12:28

Ha ta' xip tihik, tu' xip tik te hãmyũmmũg xop kopah, tu hãm'ãktux 'ãpak, tu' yũmmũg Yeyox te hãm'ãktux max. Tik te Yeyox pu hãm'ãktux, hu: —Topa te tikmũ'ũn xat. Xat'ax 'ũm xexkanãm? Kaxĩy.

Mã'ak 12:17

Ha Yeyox te: —'Ãpu gohet yõg xat'ax pu gohet yõg xat'ax yõg hãpxop pagok. 'Ãpu Topa pu Topa yõg hãpxop pagok kamah. Kaxĩy. Ha' kuxa te' yẽy.

Paot Te Tit Pu Tappet Kax'ãmi' 3:14

'Ũmax, pu' xohix hãpxopmã max, pu nõ 'ãtehet 'ũhok xop, puyĩy xohix hãpxop popmã'.