Tiak 5:6 - Maxakalí O Novo Testamento

⁶ Yã 'ãxop te' hok xop kix, ha hãpkummuk mĩy 'ohnãg, pãyã' pu'uk, 'ũhok tu', hu' xakix.

Tiak 5:6 Referans Kwoze

Tiak 4:2

Tu hãpxop putup xũy, pãyã' pa hok, hup-tex putup, nũy nõm hãpxop pa', tu 'ãnõy yõg hãpxop putup, 'ap pa yũmmũg'ah, hu yãykix, tu Topa tu' xak 'ohnãg, pu xa' hõm.

Yeyox Yõg Mõ'pok Xop Te Hãpxopmãhã' 8:32

Ha mõ'kupix hã kaxĩy: “Tikmũ'ũn te kahnẽn mõgãhã', nũy putex, hã kaxĩy tikmũ'ũn te nõm tik mõgãhã', nũy putex. Tikmũ'ũn te kahnẽn kutok xax xaxit, ha' yĩy hok, yã kaxĩy nõm tik yĩy 'ohnãg.

Mãteo 5:39

Pa 'ãte: Tikmũ'ũn kummuk pu hãpkummugã hok, nũy tu pago hok, pa tik te 'ãpayĩn kix, 'ãpu' tux hok pu 'ãpayĩn nãg nõy kix kamah.

'Emeo 10:38

Ha tikmũ'ũn te hãmyok mĩy, tu' kuxa mãm ka'ok, puxix tu hi xe'e', pa tikmũ'ũn te yõgnũ putat xak, nũy putpu' mõg, kopxik kuxa hittup 'ohnãg,” kaxĩy.

Yeyox Yõg Mõ'pok Xop Te Hãpxopmãhã' 22:14

ha: “Hõmã hãmyãxatamuk xohix 'ĩhã mõnãyxop yõg Topa te xa yãykutnãhã', xa Topa yõg putup'ax mĩy, nũy tik te hãmyok mĩy 'ãxet'ax Yeyox pẽnã', nũy nõm yĩy'ax 'ãpax, ha hõnhã xate' xupak, xi' pẽnãhã', xix hãmyũmmũg,

Tiak 2:6

ha 'ãxop te' hok xop putup nõg, pãyã putexop xexka te xa hãpkummugãhã', tu tik pa te hãmyũmmũg ha 'ãmõgãhã', nũy 'ãkupeh,

Yeyox Yõg Mõ'pok Xop Te Hãpxopmãhã' 7:52

Mõnãyxop te Topa pupi hãm'ãktux xop kix, nõm te Yeyox nũn'ax 'ãktux, ha 'ãxop te Topak-tok hõm hãm puknõg yõg xop pu', puyĩp-tex.

Mãteo 27:20

Ha 'ãmãnex xexka xop xix Yoneo xexka xop te tikmũ'ũn hãm'ãktux hã' gãyãhã', puyĩy tikmũ'ũn Pinat tu' xax pu Mahamax xut, nũy tu' xax, pu Yeyox putex.

Mãteo 21:38

Ha ta' nũn, pa hãpxa xexka yõg kãmãnat te' pẽnãhã', tu: “Yã' xuxyãk-tok xe'e'! 'Ãpu yũmũp-tex, nũy hãpxa xexka pa'!” Kaxĩy.

1 Pet 4:18

Yã Topa yõg tappet te: “Yã hãpxopmã'ax ka'ok Topa te tikmũ'ũn kuxa kummuk xit, puyĩy hãpkummuk mĩy'ax hã yãnãn hok. Texĩy Topap-tup nõg xop nõm te hãpkummuk mĩy? Yã Topa te yõg hãpkummuk mĩy'ax hã yãnãn putup.” Kaxĩy.