Nok Te Yeyox 'Ãktux 20:5 - Maxakalí O Novo Testamento

⁵ Ha' xexka xop te yãy pu hãm'ãktux hã' nõy yãnãn, tu: —Yũmũ'ãtep-putep mũn 'ãktux'ax? Pe yũmũ'ãte Topa te' xat 'ãktux, puxix tu hãm'ãktux, hu: “Putep-te xĩy 'ãkuxa yũm 'ohnãg 'ũp-tox pix'ax kopah?” Kaxĩy.

Nok Te Yeyox 'Ãktux 20:5 Referans Kwoze

Yeyox Yõg Mõ'pok Xop Te Hãpxopmãhã' 13:25

Pãyã Yoãm te hãpxopmã kux, tu: “Tep kunãy tu hãmpe'ãpaxex? 'Ak mũn yã Topa yõg hãmyãykutnã'ax'ah, pa' nõy tek pe' nũn putup, nõm 'ũm xexka xe'ẽgnãg. 'Ãte yãy kopaxux hãk yũm putup, nũy tu pataxax koa', pãyãk kutõgnãg, hu yãyhãhup.” Kaxĩy.

Yoãm 3:36

Tikmũ'ũn 'ũm kuxa yũm Topak-tok kopah, tu' hi xe'ẽgnãg mõkuma'mõg, ha' kux 'ohnãg. Ha ta' nõy 'ũm te Topak-tok pit 'ãpak 'ohnãg, tu 'a' hi xe'ẽgnãg mõkuma'mõg putup'ah, pa Topa te nõm tu' gãy mõkunã'mõg, ha' kux 'ohnãg.

Yoãm 3:26

Ta' nũn Yoãm mũtik mõg xop Yoãm hah, tu: —Yãyã, hõmã' xip tihik 'ãmũtik kõnãg kox xatapa', yã hõmã xate nõm 'ãktux. Hõnhã tik tep-tox pix, ha tikmũ'ũn xohix te ha nũ' yãy xix. Kaxĩy.

Yoãm 1:34

'Ãte nõm pẽnãhã', tu xa' xuktux, tihik yã Topak-tok. Kaxĩy.

Yoãm 1:30

Hõmã 'ãte nõm 'ãktux, hu: “Tik tek pe' nũn putup, tu' xexkah, ha tak mũn kutõgnãg. Yã 'ũyõg hãmyãxatamuk xohix kux 'ohnãg, pa yõgnũ xohix miax.” Kaxĩy.

Mãteo 16:7

Ha tik xop te yãy mũtik hãm'ãktux hã' nõy yãnãn, tu: —Tu te' xuktux, yũmũ'ãte pãm xaxok hah. Kaxĩy.

Mãteo 21:25

'Ãyĩy! Tep te Yoãm pu 'ãxet'ax hõm, pu tup-tox pix? 'Ok pe Topa te tu' hõm? 'Ok pe tikmũ'ũn te tu' hõm? Kaxĩy. Ha' xexka xop te yãy pu hãm'ãktux hã' nõy yãnãn, hu: —Pax 'ũ yũmũ'ãte: Topa te tu 'ãxet'ax hõm,” kaxĩy, puxi' yãnãn tu' yĩkopit, hu: “Teptu 'ãkuxa mãm 'ohnãg Yoãm kopah?” kaxĩy.

Nok Te Yeyox 'Ãktux 20:4

'Ũ 'ũm te Yoãm nũ'kutnãhã', pup-tox pix tikmũ'ũn? 'Ok Topa te nũ'kutnãhã', pe tikmũ'ũn te nũ'kutnãhã'? 'Ãyĩy. Kaxĩy.

Nok Te Yeyox 'Ãktux 20:6

Pe yũmũ'ãte tikmũ'ũn te' xat'ax 'ãktux, puxix tikmũ'ũn mĩkaxxap pop, nũy nõ' yũmũg kix. Yoãm putup pax tu', yã' xohix te hãmpe'paxex, hu: “Yoãm te Topa pupi hãm'ãktux.” Kaxĩy.