Mãteo 9:4 - Maxakalí O Novo Testamento

⁴ Ha Yeyox te tik xop yõg hãmpe'paxex yũmmũg, hu: —Teptu 'ãxop te hãpkummuk pe'ãpaxex?

Mãteo 9:4 Referans Kwoze

Nok Te Yeyox 'Ãktux 6:8

pãyã Yeyox te nõm pe'paxex yũmmũg, hu tik te yĩm nĩã' pu hãm'ãktux, hu: —'Ãyok, nũy 'ã'kihãxip, pu tikmũ'ũn 'ãxakot. Kaxĩy. Ha' yok, tuk-nĩhã'xip,

Mãteo 12:25

Pa Yeyox te nõm xop te hãmpe'paxex yũmmũg, hu: —Hãpxexka yõg tikmũ'ũn te yãytukmĩy, puxix tu nõg, xi' xape xop nõg'ax, 'ũyãytukmĩy tu'.

Apokalipse 2:23

'Ãte Yeyamet kutok kix putup, ha mõktu' kuxa mãm xohix xop te' yũmmũg putup, 'ãte tikmũ'ũn kuxa pẽnãhã', xip-tox kopa pẽnãhã', tu hãpkummuk mĩy'ax hã yãnãn.

Yoãm 16:30

'Ũgmũ'ãte' yũmmũg xate' yũmmũg hãpxop xohix xexka'. 'A xatep-tup'ah tikmũ'ũn te xa hãmyũmmũgãhã'. Yã xate' yũmmũg tikmũ'ũn yõg hãmpe'paxex'ax xohix xexkah. Nõmhãg mũ'ãte' yũmmũg Topa tu 'ãnũn. Kaxĩy.

Nok Te Yeyox 'Ãktux 11:17

Pa Yeyox te tikmũ'ũn yõg hãmpe'paxex yũmmũg, tu: —Hãpxexka yõg tikmũ'ũn yãykix, puxi' nõg. 'Ũxape xop yãykix yãy mũtik, puxix hãpxummãnãm.

Yeyox Yõg Mõ'pok Xop Te Hãpxopmãhã' 5:9

Pa Pet te: —Tep tu 'ãyĩpxox te koit, xix 'ãmũn? 'Ok Topa Koxuk pu' koit, nũy nõ gãyã'? 'Ũxupax: Tik te 'ãyĩpxox nõ hãpkot, tu ta' nũn, tu nũ', tu mõ'ãtat putup kama hãptopa'. Kaxĩy.

Yoãm 16:19

Nõm tep-tup, nũy Yeyox yĩkopit, ha Yeyox te' yũmmũg, tu: —Hãpxip kutõgnãg yĩy ta 'ãxop tek pẽnãp-tup'ah, tu xe hãpxip kutõgnãg yĩy ta xek pẽnãp-tup. 'Ok kaxĩy 'ãxop te yãy yĩkopit?

Yoãm 6:64

Pa' pip 'ãxop kopah tikmũ'ũn kuxa mãm 'ohnãg. Kaxĩy. Yã hõmã 'ũhittap Yeyox te' yũmmũg mõkuma'mõg yãg xop kuxa mãm 'ohnãg, tu kama' yũmmũg tik te' gãy xop mõgãp-tup Yeyox hah, puyĩy xũygã'.

Yoãm 6:61

Hã kaxĩy hãm'ãktux kummuk Yeyox pe' mõg xop. Tikmũ'ũn te Yeyox pu hãm'ãktux 'ohnãg, pa Yeyox te tikmũ'ũn yõg hãm'ãktux'ax yũmmũg, tu: —'Ok yõgnũ hãm'ãktux te 'ãxop kuxa nõã'?

Yoãm 21:17

Ha Yeyox te xe hãm'ãktux, hu: Xĩmãm, yã Yoãm kutok, 'ok xatek putuppax? Kaxĩy. Ha Pet kuxa hittup 'ohnãg, Yeyox te' yĩkopit tikoyuk hah tu: —Yãyã, xate' yũmmũg hãpxop xohix xexkah. Xate' yũmmũg, 'ãte 'ãp-tuppax. Kaxĩy. Ha Yeyox te: —'Ãpu tikmũ'ũn pẽnã', kahnẽn pẽnã'ax putuk.

Nok Te Yeyox 'Ãktux 5:22

Ha Yeyox te' yũmmũg, tu hãmpe'paxex yũmmũg, hu: —Putep mũn tu 'ãpe'ãpaxex 'ãkuxa kopah?

Mã'ak 12:15

Pa Yeyox te' yũmmũg, tik pa max, pa yã' kuxa kummuk. Yeyox te: —Teptu 'ãxop te' xak 'ãte' koit. Paxnũ tayũmak 'ãnuk, 'ũ pẽnã'. Kaxĩy.

Mã'ak 2:8

Pa Yeyox te tik yõg hãpe'paxex'ax yũmmũg, tu: —Texĩy 'ãkuxa kopa 'ãyĩkopit?

Nok Te Yeyox 'Ãktux 7:40

Ha Yeyox te Paniye yõg tik pu hãm'ãktux, tu: —Xĩmãm, 'ãte xa hãm'ãktux putup. Kaxĩy. Ha: —'Ãyĩy. Kaxĩy.