Mãteo 2:2 - Maxakalí O Novo Testamento

² nũy kakxop pit xax, tu' yĩkopit, hu: —Pi'yã' xip tik te tikmũ'ũn xat'ax kutok? Yã' tut te' put nõmhã, pu Yoneo yõg tikmũ'ũn xohix xat. Hãptox tukmũg tihi', tu kakxop yõg mãyõnnãg pẽnãhã pepi pexkox tu', tu mãyõn xupep'ax ha mãyõnnãg pẽnãhã', tuk nũn tu nũktu nũk-tettex kakxop pu'. Kaxĩy.

Mãteo 2:2 Referans Kwoze

Apokalipse 22:16

Ha Yeyox te: —'Ũgmũn Yeyox. 'Ãte pexkox yõg nũ'kutnã'ax mõkutnãhã', puyĩy nũ hãpxop 'ãktux Topa kopa kuxa mãm xop pu'. 'Ũgmũn yã Namix hã xupepmã'. Yõgnũ kuyãnãm ka'ok, yã 'ũgmax xe'ẽgnãg, yã mãyõnnãg xexka kuyãnãm putuk. Kaxĩy.

Yoãm 18:37

Ha Pinat te: —'Ok 'ãmũn xexka'? Kãxĩy. Ha Yeyox te: —Hamũn, xate nõm 'ãktux 'ũkxexka'. 'Ũgnũn hãm xexka tu', tuk nãhã', nũy hãpxe'e 'ãktux, yã hãpxe'ẽgnãg. Hãmyoa'ax yõg tikmũ'ũn te yõgnũ hãm'ãktux 'ãpak, tu' yĩpkox pip. Kaxĩy.

'Emeo 1:6

Tuk-tok puxet nũ'kutnãhã hãhãm tu', ha' xip ta tu', ha: “Pũyã pexkox yõg nũ'pok xop xohix kuxa' yẽy 'ãkeppah, nũy tu nũktettex,” kaxĩy.

Nok Te Yeyox 'Ãktux 23:38

Ha tappet tu kax'ãmi', tup-tox yĩmũ' hĩy, mĩpkup nix tu' hĩy, tu kax'ãmi', hu: “Nũhũ tik te Yoneo yõg tikmũ'ũn xohix xat.” Kaxĩy.

Nok Te Yeyox 'Ãktux 23:3

Ha Pinat te Yeyox yĩkopit, hu: —'Ok xate Yoneo yõg tikmũ'ũn xat xe'ẽgnãg? Kaxĩy. Ha: —'Ã xate' xuktux. Kaxĩy.

Yoãm 5:23

puyĩy 'ũgmũn pe tu paxeh xexkah, yã tikmũ'ũn te 'ãtak pe'paxex xexka putuk. Tikmũ'ũn 'ũm tek-tok pe'paxex xexka 'ohnãg, tu 'ãtak pe'paxex xexka 'ohnãg kamah. Yã 'ãtak te yãy kutok nũ'kutnãhã'.

Yoãm 1:49

Ha Nãtãnãyet te: —Notot, 'ãmũn Topak-tok. Xate 'Ĩyaet xop xat.

Nok Te Yeyox 'Ãktux 19:38

tu hãm'ãktux, hu: —Pũyã Topa tik te' xat'ax pu hãmmax nã'. Yã yãy 'ãxet'ax tu hõm pu nũ', ha pexkox kopa' pip xop kuxa mãm, yã Topa xexka xe'ẽgnãg. Kaxĩy.

Nok Te Yeyox 'Ãktux 2:11

Yã hõnhã, 'ãmnĩy 'ĩhã, Namix yõg kõmẽn Menẽg kopa' nãhã' Kunnix, nõ'õm 'axop hã 'ãxuxyã'. Topa te nõm yãykutnãhã', tu 'Iyaet yõg tikmũ'ũn ha nũ'kutnãhã'. Hamũn te tikmũ'ũn kuxa kummuk xit putup, nũy 'ũyãnãn tu' kuxa max mõ'tat nõ'õm.

Yoãm 9:38

Ha tik te: —Yãyã, 'ũgkuxa yũm ka'ok 'ãkopah. Kaxĩy. Tu' kopaxux hã' xip Yeyox keppah.

Yoãm 19:19

Ha Pinat te' kax'ãmi', tu' xat, pu nõm xix Yeyox yõg mĩpkupnix xox putox tu'. 'Ũkax'ãmi, hu: “Kõmẽn Nãyane yõg Yeyox. Tute Yoneo xop xat”. Kaxĩy.

Yoãm 12:13

Ha tikmũ'ũn xohix te' pop patxap kup mãg, tu ta' mõg Yeyox hah, tu' mõg, tu hãm'ãktux ka'ok hu: —'Ũmax xe'ẽgnãg Topah. Topa, 'ãpu nõm pu hãmmaxnã' xate nũ nõm kutnãhã', yã tute 'Iyaet xop xat. Topa, 'ãpu nõm pu hãmmaxnã'. Kaxĩy.

Mãteo 27:11

Ha Yeyox te Gohenanok Pinat keppa' xip, ha' yĩkopit, hu: —'Ok xate Yoneo yõg tikmũ'ũn xat xe'e'? Kaxĩy. Ha: —Xate' xuktux. Kaxĩy.

Yoãm 20:28

Ha Tõmẽ te: Yãyã, yõgnũ Topah. Kaxĩy.

Mãteo 21:5

hu: “Pu, Xiãm yõg kõmẽn kopa' pip xop pu hãm'ãktux, hu: Hõnhã tik te tikmũ'ũn xat'ax xupep, tu yãk-tõgnãg, tu yohmẽn yĩmũ' yũm, tu yohmẽn kutok yĩmũ' yũm.” Kaxĩy.

Mãteo 2:3

Ha 'Enot te' xupak, tu' xutĩgãhã', xix Yenoyanẽn yõg tikmũ'ũn xohix xutĩgãhã',