Mã'ak 14:22 - Maxakalí O Novo Testamento

²² 'Ũxit Yeyox xix yãy yõg tik xop, ha Yeyox te pãm paha', tu Topa pu hãm'ãktux, hu: —Xatek mũ'ã pãm popmãhã'. 'Ãmax. Yã' max. Kaxĩy. Yeyox te pãm koxip, tu yãy yõg tik xop pu nõm popmãhã', tu: —'Ãpu 'ũpop. Nũhũ yã 'ũgyĩn. Kaxĩy.

Mã'ak 14:22 Referans Kwoze

Mã'ak 14:24

Ha Yeyox te: —Nũhũ yã 'ũkhep 'ãta. 'Ãte yãy hep 'ãta tikmũ'ũn xohix pupi nũ'nãp-tup. 'Ũkhep 'ãta yã pa'ax tup Topa yõg xix tikmũ'ũn yõg.

Nok Te Yeyox 'Ãktux 24:30

tu nõm mũtik xit, tu pãm paha', tu Topa pu: “'Ãmax,” kaxĩy, tu pãm koxip, tu yãy xape pu' popmãhã',

Yoãm 6:23

Ha ta' nũn kõmẽn Timenit tu' mĩpkox xape xohix, tu nũktu' mõxaha hãpkux tu'. Yã hõmã tikmũ'ũn te pãm mãhã 'õnteh. Yã Yeyox te Topa pu pãm 'ãktux 'õnteh.

Mã'ak 6:41

Ha Yeyox te' pãm te' 5 pop xix mãm tix, tu pexkox pẽnãhã', tu: —Topa, xate nũ' popmãhã'. Yã 'ãmax. Kaxĩy. Tu pãm koxip, tu yãy yõg tik xop pu' popmãhã', puyĩy tikmũ'ũn pu popmã'. Tik te' popmãhã'. Ha ta mãm tix koxip, tu' popmãhã kamah,

Mãteo 14:19

Tu' xat pu tikmũ'ũn te mĩxux yĩmũ' mãm, tu pãm pop, xix mãhãm, tu pexkox tu' pẽnãhã', tu Topa pu hãm'ãktux, hu: —'Ãmax Topah. Xate tikmu'ũn xohix pu' xit'ax popmãhã'. Yã' puxi'! Kaxĩy. Tu pãm koxip, tuyãy yõg tik xop pu' popmãhã', ha tikmũ'ũn xohix xexka pu' popmãhã',

Paot Te Hãpxexka Ganax Yõg Tikmũ'ũn Pu Tappet Kax'ãmi' 4:25

Yĩktix Xinãy xip 'Anap tu', tu' yõg tikmũ'ũn yã' hok hã' hãm, xix kõmẽn Yenoyanẽn yõg tikmũ'ũn yã' hok hã' hãm. Nõm xop te 'Agah mõkputox putuk.

1 Konĩn 10:4

tu pexkox yõg hep xo'op. Yã mĩkaxxap xexka tu' xo'op, ha kaxĩy Kunnix tu' xo'opmãhã', tu Kunnix mũtik mõg putat tox hã.

Mã'ak 10:16

Yeyox te kakxop yĩmũ' yĩm xex, tu kakxop pu hãmmaxnãhã'.

Mã'ak 14:21

Yã 'ũkxok putup, yã Tikmũ'ũn Kutok xok putup. Yã hã kaxĩy Topa yõg tappet te nõm 'ãktux. Tik te gãy xop mõgãp-tup Tikmũ'ũn Kutok ha, puyĩy xũygã'. Yã' kummuk xexka nõm pu'. 'Ũtut te nõm put 'ohnãg, pu' max! Kaxĩy.

Mã'ak 14:23

Tu kãnẽy xo'op'ax paha', tu Topa pu hãm'ãktux, hu: —Topa, yã' max, 'ãmax. Kaxĩy. Tu ta yãy yõg tik xop pu' hõm, ha' xo'op.

Nok Te Yeyox 'Ãktux 22:17

Tu kãnẽy paha', tu Topa pu: —'Ãmax! Kaxĩy. Tu xe: —'Ũpa kãnẽy, xayĩy 'ãxop xohi xo'op.