Yeyox Yõg Mõ'pok Xop Te Hãpxopmãhã' 12:11 - Maxakalí O Novo Testamento

¹¹ Ha Pet te hãmyũmmũg, 'ap yõtkup'ah, tu: —Topa te pexkox yõg nũ'kutnã'ax nũ'kutnãhã 'ũghah, pu 'Enot yõg kanet kopak xut, ha 'Enot tek xũygãp-tup hok! 'Ap Yoneo yõg tikmũ'ũn tek xok'ax pẽnãp-tup'ah. Kaxĩy.

Yeyox Yõg Mõ'pok Xop Te Hãpxopmãhã' 12:11 Referans Kwoze

2 Pet 2:9

Hã kaxĩy yũmũ'ãte' yũmmũg Topa te Topap-tuppax xop mõy'ax hãpkummuk kopah, pa Topap-tup nõg xop kĩy'ax, ha mõktu nõm 'ãmnĩy xupep. Yã tute Topap-tup nõg xop yõg hãpkummuk mĩy'ax hã yãnãn putup.

Yeyox Yõg Mõ'pok Xop Te Hãpxopmãhã' 5:19

Pa 'ãmnĩy koxtap 'ĩhã pexkox yõg nũ'kutnã'ax nũn, tu hãmyĩnnĩn'ax xõn, tu tik xop mõy kanet kopah, tu hãptopa' mõgãhã', tu' xat, hu:

Nok Te Yeyox 'Ãktux 15:17

yĩy yãy koxak, tu yãy mũtik hãm'ãktux, hu: “'Ãtak yõg kãmãnat xop xit punethok, tu tu' hix ka'ok, ha putup tek putex.

Yeyox Yõg Mõ'pok Xop Te Hãpxopmãhã' 12:7

Hãpxip 'ohnãg 'ĩhã pexkox yõg nũ'kutnã'ax xip, ha kuyãnãm xexka', ha pexkox yõg mõ'kutnã'ax te Pet nuhuk, tu: —'Ũpitnãy, nũy mõg mõ'ka'ok! 'Ãyok, nũy 'ãk-nĩhã xihip! Kaxĩy. Ha pipkup mãg xap 2 te' yĩy yãy ko'a'.

'Emeo 1:14

Tep te xĩy pexkox yõg nũ'pok xop? Yã' koxuk xe'e xop, tu Topa pu hãpxopmãhã', ha nũ'pok, nũy yãy yõg tikmũ'ũn mõ'nĩynãm, puyĩ' mõg, hu mõxakux pexkox tu'.

Yeyox Yõg Mõ'pok Xop Te Hãpxopmãhã' 24:27

Ha hãmyãxatamuk 2 nõg, ha Penik mõg kuma' mõg, ha Pox Pex nũn 'ũyãnãn tu', ha Penik te Paot xix mĩptut kopah, nũy Yoneo xop kuxa hittupmã'.

Yeyox Yõg Mõ'pok Xop Te Hãpxopmãhã' 25:9

Pa Pex te Yoneo xop kuxa hittupmãp-tup, hu: —'Ok mõg putup Yenoyanẽn tu', 'ãte 'ãyĩkopit? Kaxĩy.