Tito 3:2 - U Maganda A Baheta Ni Jesu-Cristo

² Pagkagiyan mo hide a dyan magupos ti madukás tungkul tu agum. Sakay tolduwan mo hide a magin mahinahun sakay maáunawaán sakay mapagpakumbaba tu balang essa.

Tito 3:2 Referans Kwoze

Efeso 4:31

Ibutan moy dán u ányaman a saket ni isip, iyamut, pákpágdadima, pánggulo, metmet, págsida tu agum, sakay tu atanan a kalase nu madukás a ugale.

Efeso 4:2

Magin mapagpakumbaba kam, mabait, sakay matiyaga. Magmahalan kam sakay magpasensiyaan tu balang essa.

1 Timoteo 3:3

Sakay awan siya máglalasingán, awan mágbálbág nan masássohán ti kapayapaan, awan mákpágdadima sakay awan be masássohán ti pilak.

1 Pedro 3:10

Konna tu nakasulat tu banal a Kasulatan, “U masoh a magkahod ti maganda sakay mapayapa a kákkabiyag ay pugáddán na u dila na a makán upos ti madukás sakay awan magbuli-bule.

1 Pedro 3:8

Nadid, sa iye u bilin ko nikam kákkapatkákka ko hide, dapat kam a mamággagum ti maganda, magkaessa sakay magmahalan a konna tu mátkaka, dapat kambe a makákkagbiyán sakay mapagpakumbaba.

Santiagu 4:11

Kákkapatkákka ko hide, dyan kam magupos ti madukás kontara tu kapareho moy a mánnampalataya, u magupos ti madukás sakay maghatul tu kapareho na ay kumontara sakay maghatul tu Kautusan nu Diyos. Ni konna hod ay bakán kamon a tagasunud nu Kautusan nan tagahatul dán.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Mateo 11:29

Magpasakup kam nikán konna tu essa a hayup a te paud sakay matuto kam nikán. Mabaiták sakay mapagpakumbaba kanya makaimang kamon.

1 Pedro 2:1

Kanya adággen moy dán u atanan a mágkadukás, u pakándaya, pakánwari-ware, kákkaiyamut, sakay pakán upos ti awan ti pinagseserbiyan tu agum.

Santiagu 3:17

Pero u tolay a te karunungan a gábwat tu Diyos, dipalongo tu atanan, ay te maayus a kákkabiyag, masássohán ti kapayapaan sakay mapagpugád. Awan na ipilit u sadile na a kagustuwan, makákkagbiyán, masipag a maggimet ti maganda, pare-pareho u pangileng na tu atanan a tolay sakay awan mapagkunware.

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

Galacia 6:1

Kákkapatkákka ko hide, ni te nagkasala a kaguman moy, hikam a igággiyya nu Banal a Ispirito ay uhunán moy siya a pasoliyán tu Diyos. Pero magingat kam makay pate hikam ay matokso be.

1 Timoteo 3:11

U kákkabanga di be hide ay kailangan a mágkatino, awan hide mametmet nan mapagpugád ti sadile sakay matapat tu atanan a bagay.

1 Tesalonica 2:7

Maski bilang apostol ni Cristo ay tehhod kame a karapatan a umasa ti konna hod pero awan mi iye ginimet. Nan nagin mabait kame nikam, a konna tu essa a ina a magalaga tu anak na hide.

Filipos 4:5

Ipeta moy tu atanan a tolay u kabaitan sakay pasensiya moy. Adene dán a dumemát u Panginoon.

1 Corinto 9:19

Malayaák sakay awanák alipin nu deyaman; pero nagpaalipinák tu atanan tánni makaakiták la ti makpal para sumampalataya tu Panginoon Jesu-Cristo.

2 Corinto 12:20

Dipo mággaisipánnák a bakay tu káangay ko hina ay te ketanák a awan ko gusto nikam sakay te ketan kam be a awan moy gusto nikán. Bakay u medemáttan ko ay dimaan, seniyan, iyamután, makasadile, págsidaan, metmetan, pághambug, sakay kaguluwan.

2 Corinto 10:1

Nadid, hikán ti Pablo a u kagi nu agum a mapagpakumbaba tu atubang moy pero matapang ni adeyo, mákkekakagbiyák nikam alang-alang tu kapakumbabaan sakay kabaitan ni Cristo.

Gimet 23:5

Timmábbeg ti Pablo, “Kákkapatkákka ko, awan ko tukoy a siya bál u puno a saserdote. Dipo nakasulat ngani, ‘Dyan ka magupos ti madukás kontara tu pinuno nu banuwan.’”

Judas 1:10

Pero lállaitán ni tolayan hidenye u bagay hide a awan de maintendiyan; konna hide tu hayup hide a u sássunudán dila ay u bábbatiyán de hide a siya be u mángpatibung nide.

Judas 1:8

Konna be hod u tolay hide a nákpisan nikam a magtoldu ti baka-bakán, dipo tu pangitain de hide ay maggimet hide tu atanan kagustuwan nu pilas de. Sakay dipo tu pangitain de hide ay umád de a magpasakup tu kapangyariyan nu Diyos, sakay sássestiyán de u anghel hide.

2 Pedro 2:10

Lalu dán u sumunud hide tu kagustuwan nu pilas sakay sumássuway tu kapangyariyan nu Diyos. Palalo iye hide a tagapagtoldu a kákkagiyán ko. Awan hide ti ánteng a insultuwán u makapangyariyan hide a linalang ti langet.

1 Pedro 4:4

Kanya, magtaka dán hide ni bakin a awan kamon mákpággagum nide tu pággimet de ti madukás, kanya sidaán dikamon sakay sestiyán.

1 Corinto 6:10

u mágtakaw, u madadámmot, máglalasing, u mapagdusta sakay tu magdaya hide ay awan ti kabahagi tu kahariyan nu Diyos.