Tito 2:7 - U Maganda A Baheta Ni Jesu-Cristo

⁷ Sakay hiko a mismo u mángpeta ti maganda tu atanan a gimitán mo tánni magin halimbawa ka tu atanan. Ipeta mo u katapatan tu págtoldu mo tánni ketan de a tatahoden u págserbi mo ni Cristo.

Tito 2:7 Referans Kwoze

1 Pedro 5:3

Diyan moy ituring a alipin u tolay hide a intiwala nikam nu Diyos nan ipeta moy a maganda kam a halimbawa nide tánni ahigán di kam.

1 Timoteo 4:12

Dyan mo pabayan a imemenos kala nu agum dipo ulito ka palla. Nan magin halimbawa ka tu mánnampalataya hide: tu pággupos, ugale, págmahal, pánnampalataya sakay malinis a kákkabiyag.

Filipos 1:10

Tánni matukuyan moy ni ánya u pinakamaganda a dapat moy a gimitán. Para tu káddemát nu Aldew nu kássole ni Cristo ay demáttan nakam a malinis sakay awan ti kapintasan.

2 Corinto 4:2

Inadággen midán u gimet me hide a makasani-sanike sakay gággimitán ti tagu. Awan kame mángloko sakay awan me dag-dagen oni palitan u upos nu Diyos. Nan hayagan me a impangaral u tatahoden sakay iye ay tukoy nu Diyos. Kaya handa kame a pahatul maskin deya.

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Tesalonica 3:9

Ginimet mi iye bakán a awan kame ti karapatan a maguhay tu tulung moy nan atáden me kam ti halimbawa a dapat moy a ahigán.

Efeso 6:24

Pagpalaán nakwa nu Panginoon a ti Jesu-Cristo u atanan a magmahal nikuna ti tapat.

2 Corinto 2:17

Dipo awan kame konna tu agum a gággimitán de a negosyo u upos nu Diyos. Tukoy me a áelingán kame nu Diyos kaya bilang mánnampalataya ni Cristo sakay tagapagserbi nu Diyos, ay tapat kame a mangaral tu upos na.

2 Corinto 8:8

Awan ko iye kagiyán para utusan takam; nan kagiyán ko la iye a káttulung nu agum a simbaan tánni mepeta moy nikame u katapatan nu págmahal moy.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

Tito 3:8

Tatahoden i adalan iye, kaya buo mo iye a tiyaga a itoldu tu mánnampalataya hide tu Diyos para ilaan de u sadile de tu pággimet ti maganda. I bagayan hidenye ay tunay a maganda sakay dakál a pakinabang para tu tolay.