Tito 2:12 - U Maganda A Baheta Ni Jesu-Cristo

¹² U kagbi na u nangtoldu nikitam tánni adággen tamon u kákkabiyag a makamundu sakay u kagustuwan nu pilas tánni mabiyag kitamon nadid a tehhod a págpugad ti sadile, banal sakay karapat-dapat tu Diyos,

Tito 2:12 Referans Kwoze

Mateo 16:24

Kinagi ni Jesus tu disepulus na hide, “Ni deya u masoh a sumunod nikán ay limunán na u sadili na, báklayán na u kudus na sakay sumunud nikán.

Roma 6:19

Magupusák tu pangkaraniwan a paraan para alisto moy a maintendiyan. Nikuna a nagpaalipin kam tu kadukássan sakay nagin madukás kam ngane. Nadid ay paalipin kam tu katuwiran tánni magin tunay kam a banal.

2 Pedro 2:9

Pero tukoy nu Panginoon ni kodya a iligtas tu pagsubuk hide u atanan a tapat nikuna. Sakay ni kodya na a parusaan u mággagimitán hide ti madukás káddemát nu Aldew nu Pághatul.

1 Juan 2:6

Ni ti deya man u magkagi a nákpagkaessa siya tu Diyos ay dapat a mabiyag a konna tu kákkabiyag ni Jesu-Cristo.

2 Timoteo 3:12

U atanan a masoh a mabiyag ti tama bilang essa a tagasunud ni Jesu-Cristo ay talaga a dumanas ti hirap.

Pahayag 14:12

Kaya dapat a magpakatatag sakay magin matáttiisán u pinile hide nu Diyos, u sumássunud hide tu utus nu Diyos, sakay dapat a manatile u pánnampalataya de ni Jesus.

Lukas 1:75

Makapagserbi kitamon a te malinis a biyag tu pangileng nu Diyos mentaras a katoy kitam palla ti lutaáy.

1 Tesalonica 4:7

Dinulaw kitam nu Diyos para mabiyag a tehhod a kabanalan bakán a tu kadukássan.

Tito 3:3

Dipo tu itod ay awan kitam be ti tukoy. Hikitam be tu itod ay masássuwayán sakay maigát ti págguluwan. Nalinlang kitam sakay naalipin kitam tu atanan a kalase nu kadukássan sakay mágkadangát a gimet, nabiyag kitam tu kadukássan sakay kassene. Kaiyamutan kitam nu agum sakay kaiyamutan tam be hide.

1 Tesalonica 4:9

Nadid, tungkul dámman tu págmahal para tu kákkapátkákka, awan kamon dapat a paalaalaan dipo intoldu dán nikam nu Diyos ni kodya kam a magmahalan.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Roma 12:2

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

Roma 6:12

Dyan moy dán pabayan a maghare u kasalanan tu bággi moy a matay tánni awan kamon maalipin tu atanan a kagustuwan na.

Mateo 28:20

Sakay tolduwan moy hide a sumunud tu atanan a inyutus ko nikam. Pakatandaan moy: Hikán ay kakaguman moy hanggan tu katapusan nu mundo.

1 Juan 2:27

Pero maski ni magkakonna hod ay katoy dán nikam u Banal a Ispirito a inyatád ni Cristo. Mentaras a katoy nikam u Banal a Ispirito ay awan kamon kailangan a tolduwan ni deya man. U Banal a Ispirito u mángtoldu nikam tu atanan, sakay u atanan a itoldu na ay tatahoden, bakán a kakabuliyan. Kanya manatili kam ni Cristo dipo ina u intoldu nikam nu Ispirito.

2 Pedro 3:11

Ni konna he u mangyare tu atanan a bagay, ay dapat kam a mabiyag a tehhod a kalinisan sakay makadiyos a kákkabiyag,

Hebreo 8:11

Awan dán kailangan a tolduwan nu ti deyaman u kasa-banuwan na, oni kagiyán tu kapatkákka na a, ‘Tenggiyán mo u Panginoon.’ Dipo tenggiyánnák de a atanan, sapul tu kababaan hanggan tu kataasan.

1 Timoteo 6:17

Itoldu mo tu mágkayaman a dyan magmadakál sakay dyan umasa tu kayamanan a lumipas. Nan tu Diyos la a mángngatád tu atanan a bagay a ikasaya tam.

1 Timoteo 4:12

Dyan mo pabayan a imemenos kala nu agum dipo ulito ka palla. Nan magin halimbawa ka tu mánnampalataya hide: tu pággupos, ugale, págmahal, pánnampalataya sakay malinis a kákkabiyag.

Colosas 1:22

Pero dipo tu kákkatay ni Cristo, ay inturing nakam a amigu na tánni makaatubang kam nikuna a banal, matuwid, sakay awan ti kapintasan.

Galacia 5:24

U nagpasakup hide ni Jesu-Cristo ay inadággen di dán u madukás de a gimet a kumán de a impepako a kaguman ni Cristo tu kudus u makasalanan de a pagkatolay kaguman u mágkahalay sakay tu agum pa a kagustuwan nu pilas.

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

Roma 8:13

Dipo matay kam ni mabiyag kam ayun tu makasalanan moy a pagkatolay. Pero mabiyag kam ni adággen moy u makasalanan moy a pagkatolay tu pamamag-itan nu pággiya nu Banal a Ispirito.

Gimet 24:25

Pero nikuna ipaliwanag ni Pablo a dapat mabiyag a malinis u tolay, sakay magpugád tu sadile para awan magkasala, sakay impaliwanag nabe u tungkul tu pághatul a dumemát ay neántingan ti gobernador Felix. Kinagi na, “Maare ka dán a lumakad, ipadulaw taka dálla a huway ni tehhodák dámman a odas.”

Gimet 24:16

Kanya gimitán ko u atanan nu makaya ko tán awanák magkasala tu atubang nu Diyos sakay tu tolay hide.

1 Juan 5:19

Tukoy tam a anak kitam nu Diyos sakay tukoy tam be a u buo a mundo ay katoy tu kapangyariyan ni Satanas.

Efeso 1:4

Bagu pa a lalangán i munduwáy ay pinile kitamon nu Diyos tánni magin banal sakay awan ti kapintasan tu atubang na. Dipo tu págmahal nu Diyos,

Juan 14:30

Awan ku dán pakaatakdugán i kákkagiyán kuwáy nikam, dipo pademát dán ti Satanas a siya u maghare ti munduwáy, pero awan siya ti kapangyariyan nikán.

Juan 6:25

Káddemát nu tolay hide tu dibilew nu Minalno ay netan de ti Jesus sakay tinanung de, “Maisto, nikasangan ka pahe?”

Lukas 1:6

Iye a magkabanga ay kinasayaan nu Diyos, sumássunud hide tu atanan a utus na.

Judas 1:18

Kinagi di dán nikam tu itod pa a, “Tu dimodyan a aldew ay te dumemát a tolay, pagtawaan de u upos nu Diyos, sakay u sássunudán di la ay u mágkadukás a kagustuwan nu bággi de.”

2 Timoteo 4:10

Dipo linakadinák dán ni Demas, mas minahal na u makamundu hide a bagay, immangay siya nadid ti Tesalonica. Ti Cresente ay immangay be ti Galacia, sakay ti Tito ay immangay dán ti Dalmacia.

Mateo 12:32

Sakay ni ti deya man u magupos laban nikán a Anak nu Tolay ay mapatawad nu Diyos pero u magupos laban tu Banal a Ispiritu ay awan mapatawad, magin nadid a panahun oni tu demodyan a aldew.”

1 Timoteo 6:9

Pero u masoh hide a yumaman tu maski ánya man a paraan ay matápduk tu tokso sakay maekhutan hide nu mágkadukás de a kagustuwan a mángpalulung nide tu kamatayan sakay kapahamakan.

Santiagu 1:27

U ibilang nu Diyos a Ama tam a makidiyos ay u tumulung tu ulila sakay tu bábbey hide a bilo tu kahirapan de, sakay awan mák-aheg tu mágkadukás hide a gimet ti munduway.