Tito 1:12 - U Maganda A Baheta Ni Jesu-Cristo

¹² Kinagi mismo nu essa a kákkagiyán de a prupeta a taga-Creta, “U taga-Creta hide ay mágkabule, kumán a hayup u ugali de, tamad sakay mágkaunas hide.”

Tito 1:12 Referans Kwoze

1 Timoteo 4:2

I tolduwan iye ay ingkalat nu tolay hide a magkabule kaya immigát dán u isip de sakay awan dán makabate.

Roma 16:18

U tolay hide a konna hina ay awan magserbi tu Panginoon Jesu-Cristo, ni awan tu sadile de a hangad. Lállokuwán de la u kulang hide ti karunungan tu pamamag-itan nu mágkagaganda de a pággupos.

Gimet 17:28

Dipo táttawed na u angás tam, pággahikad sakay pagkatolay tam. Konna tu kinagi nu sangan tu mágtula moy hide, ‘Anak na kitam ngani.’

2 Pedro 2:15

Inadággen di dán u tama a ugale a gusto nu Diyos sakay u sinunud de ay u madukás a gimet. Inaheg de ti Balaam a anak ni Beor a nagpabayad tu pággimet ti madukás.

2 Pedro 2:12

Iye hide a tolay ay kumán a hayup a awan ti isip. Sássestiyán de u bagay hide a awan de maintendiyan. Kanya maparusaan hide a konna tu mailam a hayup a neenak para dakáppán sakay bunuwán.

Gimet 2:11

Sakay u agum ay gábwat ti Creta sakay ti Arabia. Pero masássaneg tam hide a magupos tu upos tam tungkul tu makataka-taka hide a ginimet nu Diyos!”

Gimet 27:7

Nalay kame a nággabeng. Immalay iye ti sangan a aldew, sakay nahirapan kame bagu kame a nakademát tu tapat nu Cinido. Sapul hod ay awan kame nakatulos tu págbiyahe dipo pasagupang nikame u páhas. Kanya naglekaw kame tu dilupot ni Creta a awan ti pahás. Nagtaleb kame tu Luuk nu Salmon.

Gimet 27:12

Dipo awan maganda u págdungan ti iye a lugar ni amiyan, kaya mas ginusto pa nu kákpalan a magdiretso tu págbiyahe. Tu kagustuwan de a makademát kame ti Fenix sakay hed hod a magpalipas ti amiyan. Dipo iye a lugar ay essa a dáddungan ti Creta a maganda a lembuwan ni mapahás.

Gimet 27:13

Nikuna bumugso dán u mahina a pahás a gábwat ti abagatan ay inakala de a maare kami dán a bumiyahe. Kanya insangpa di dán u angkla sakay nagbiyahe kame a namihebi ti Creta.

Filipos 3:19

Kapahamakan i sangpáttán diyay dipo u diyosán de ay u kagustuwan nu pilas de. Ipagmadakál dipa u bagay hide a dapat dipa nakwa a ikasanike sakay awan dán hide ti áisipán nan u bagay hide ti munduwáy.

Tito 1:5

Kanya inwahak taka ti Creta ay para tapusan mo u gawain hide a awan palla natapos sakay para mangpili ka ti puno hide tu simbaan nu kada banuwan konna tu inyutus ko niko.