Santiagu 2:4 - U Maganda A Baheta Ni Jesu-Cristo

⁴ awan beman u asikasuwán moy la ti maayus ay u mágkayaman hide, sakay u mágkahirap hide ay api-apiyán moy la? Awan tama u pághatul moy dipo makasadile ina.

Santiagu 2:4 Referans Kwoze

Juan 7:24

Diyan kam maghusga a ayun la tu ketan moy, nan adalán moy ti mapiyya bagu kam a maghusga, para matukuyan moy u tama.”

Santiagu 4:11

Kákkapatkákka ko hide, dyan kam magupos ti madukás kontara tu kapareho moy a mánnampalataya, u magupos ti madukás sakay maghatul tu kapareho na ay kumontara sakay maghatul tu Kautusan nu Diyos. Ni konna hod ay bakán kamon a tagasunud nu Kautusan nan tagahatul dán.

Lukas 18:6

Káttapos ay kinagi ni Jesus, “Nasaneg moy u kinagi ni madukássan itod a huwes!

Santiagu 3:17

Pero u tolay a te karunungan a gábwat tu Diyos, dipalongo tu atanan, ay te maayus a kákkabiyag, masássohán ti kapayapaan sakay mapagpugád. Awan na ipilit u sadile na a kagustuwan, makákkagbiyán, masipag a maggimet ti maganda, pare-pareho u pangileng na tu atanan a tolay sakay awan mapagkunware.