Santiagu 1:12 - U Maganda A Baheta Ni Jesu-Cristo

¹² Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.

Santiagu 1:12 Referans Kwoze

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

Pahayag 2:10

Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”

Santiagu 5:11

Awan beman kákkagiyán tam a mapalad u tolay hide a mágtatiisán ti hirap. Nasaneg moy dán u tungkul ni Job tu págtiis na ti madágge a hirap, sakay tukoy moy dán be a tu katapusan ay pinagpala siya nu Panginoon. Ketan tam he a makákkagbiyán sakay mabait u Panginoon.

Roma 8:28

Tukoy tam atu atanan a bagay, ay magahikad u Diyos para tu kapiyyaan nu atanan a mangmahal nikuna. Iye u gággimitán nu Diyos tu atanan a mangyare tu tolay hide a pinili na a makaguman tu plano na.

Mateo 10:22

Kaiyamutan di kam dipo tu pániwala moy nikán. Pero u matapat nikán hanggan matay ay siya la u maligtas.

1 Corinto 9:25

Atanan nu máksale tu ayam ay kailangan a magpugád tu sadile na tu atanan a bagay. Tánni matanggap na u gantimpala na a pang-alistuwan. Pero u gantimpala a gusto tam ay u gantimpala a panghanggan-hanggan.

1 Pedro 3:14

Pero ni pahirapan dikam padi maski ni maggimet kam ti tama ay pinagpala kam pade nu Diyos. Diyan kam manteng maski ni deya sakay diyan kam la mabalisa.

2 Timoteo 4:8

Nadid ay matanggap ku dán u kurona nu pagkamatuwid. U Panginoon a makatarungan a maghatul u mangkurona nikán tu káddemát nu aldew a pághatul. Bakán la a hikán nan pati be u atanan a nangmahal ni Jesu-Cristo a maguhay tu kássole Na a huway.

Santiagu 2:5

Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna?

1 Pedro 5:4

Sakay káddemát nu kapunuwan nu Pastol hide ay makatanggap kitam ti magkislap-kislap a kurona a awan masisida.

1 Corinto 2:9

Pero konna he u nakasulat tu Kasulatan, “Awan palla ti tolay a naketa oni nakasaneg, sakay nakatukoy, tu bagay hide a inhanda nu Diyos para tu magmahal hide nikuna.”

Pahayag 3:21

U magtagumpay ay paetnudán ko a kasadát nu trono ko. Konna nikán a nagtagumpay, kaya nadid ay mággetnudák tu sadát nama ko tu trono na.

1 Pedro 4:13

Nan magsaya kam tu pághirap moy dipo nákpaghirap kam ni Cristo, tán masaya kam a tahod káddemát nu aldew a ketan tam u kadakilaan na.

1 Corinto 8:3

Pero u mangmahal tu Diyos u kilalaán na a kao na.

Pahayag 3:19

Atanan nu mahal ko ay páppasunungán sakay dáddisiplinaan ko. Kaya ngani magsikap kam; magsise kamon sakay adággen u kasalanan moy hide.

Hebreo 10:32

Isipán moy u nangyare nikam tu itod, nikuna a pákkatanggap moy tu Maganda a Baheta. Nagdanas kam ti makpal a kahirapan pero awan kam natalo.

Hebreo 6:15

Nagtiyaga ti Abraham a naguhay, kanya natanggap na u nepananto nikuna.

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Hebreo 11:17

Dipo tu pánnampalataya ni Abraham, ay inyalay na ti Isaac nikuna a subukán siya nu Diyos. Handa siya a máng-alay tu mággeessa na a anak, maski tukoy na a u pananto nikuna nu Diyos

1 Juan 4:19

Magmahal kitam dipo u Diyos u dipalongo a nagmahal nikitam.

Hebreo 12:5

Makay nalimunan moy dán wád u pagtoldu nu Diyos nikam bilang anak na, “Anak ko, diyan mo baliawanan u pagdisiplina nu Panginoon, sakay diyan ka manghina ti isip ni sawayán na ka.

Lukas 6:22

Pinagpala kam ni kaiyamutan dikam, palayasán, insultuwán sakay kagiyan de a madukas kam dipo tu Anak nu Tolay.

Roma 5:4

Dipo u resulta nu págtiis ay maganda a ugale sakay u risulta nu maganda a ugale ay pag-asa a makahate kitam tu kadakilaan nu Diyos.

2 Timoteo 2:15

Pagsikapan mo a magin karapat-dapat tu atubang nu Diyos, bilang essa a tagapagserbi a awan ti ikasanike sakay tapat a tagapagtoldu tu tatahoden.

1 Pedro 4:14

Mapalad kam ni dáddustaán di kam dipo ni Cristo, dipo tukoy moy a katoy nikam u Banal a Ispirito nu Diyos a makapangyariyan.