Roma 8:13 - U Maganda A Baheta Ni Jesu-Cristo

¹³ Dipo matay kam ni mabiyag kam ayun tu makasalanan moy a pagkatolay. Pero mabiyag kam ni adággen moy u makasalanan moy a pagkatolay tu pamamag-itan nu pággiya nu Banal a Ispirito.

Roma 8:13 Referans Kwoze

Galacia 6:8

Ni u sásunudán nu essa a tolay ay u hilig nu pilas na ay mepalulung siya. Pero u tolay a u Banal a Ispirito u sássunudán na ay magkahod siya ti biyag a awan ti kahád.

1 Pedro 2:11

Kákkapatkákka ko hide, bakán a munduwáy u permamente tam a págyanan nan kumán kitam la a bisita ti iye. Kanya mákkekagbiyák nikam, adággen moy dán u mágkadukás a kagustuwan nu bággi moy dipo ina u mangsida tu kássunud moy tu Diyos.

1 Corinto 9:27

Disiplinaán ko u sadile ko sakay magpugáddák, dipo ni awan, bakay káttapos ko a magbaheta tu Maganda a Baheta tu agum ay hikán pa u awan makatanggap ti gantimpala.

Tito 2:12

U kagbi na u nangtoldu nikitam tánni adággen tamon u kákkabiyag a makamundu sakay u kagustuwan nu pilas tánni mabiyag kitamon nadid a tehhod a págpugad ti sadile, banal sakay karapat-dapat tu Diyos,

Galacia 5:24

U nagpasakup hide ni Jesu-Cristo ay inadággen di dán u madukás de a gimet a kumán de a impepako a kaguman ni Cristo tu kudus u makasalanan de a pagkatolay kaguman u mágkahalay sakay tu agum pa a kagustuwan nu pilas.

Efeso 4:22

ay dapat adággan moy dán u date moy a kákkabiyag dipo iye ay gimet nu date moy a pagkatolay. I pagkatolayan iye u mángpahamak nikam dipo tu mágkadukás a kagustuwan nu bággi a mágdaya nikam.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

Roma 7:5

Nikuna a mabiyag kitam palla tu date tam a pagkatolay, u mágkadukás a kagustuwan nu bággi tam u naghare, sakay lalo pa a pinadukás nu Kautusan kaya nakagimet kitam ti bagay hide a madukás a u resulta na ay u kamatayan tam.

Efeso 5:18

Sakay dyan kam máglalasingán, dipo makasida ina ti maganda a kákkabiyag. Nan pilitán moy a u kapangyariyan nu Banal a Spirito u maghare nikam.

Roma 6:21

Pero ánya u inábbang moy tu date moy a kákkabiyag a ikasanike moy dán nadid? U hantunan na ay kamatayan.

Efeso 4:30

Sakay dyan moy palungkután u Banal a Spirito, dipo siya u tanda nu Diyos nikam, sakay siya u katibayan nu kaligtasan moy káddemát nu netakda a aldew.

Roma 6:23

Dipo u bayad nu kasalanan ay kamatayan, pero u kaluub nu Diyos ay biyag a awan ti kahád tu pamamag-itan ni Cristo-Jesus a Panginoon tam.

Roma 8:12

Kanya kákkapatkákka ko hide, dyan kitamon mabiyag a ayun tu makasalanan tam a pagkatolay.