Roma 7:7 - U Maganda A Baheta Ni Jesu-Cristo

⁷ U gusto na beman a kagiyán ay madukás u Kautusan? Awan! Dipo awan ko nakwa natukuyan u kasalanan ni awan u Kautusan. Awan ko nakwa natukuyan ni ánya u pagin sakim ni awan kinagi nu Kautusan, “Dyan ka magin sakim.”

Roma 7:7 Referans Kwoze

Roma 3:20

Dipo awan ni ti deyaman u ibilang nu Diyos a awan ti kasalanan tu pamamag-itan nu kássunud tu Kautusan. Nan u Kautusan u mángpeta tu kasalanan nu tolay.

Roma 4:15

U Kautusan u dahilan ni bakin tehhod a parusa a gábwat tu Diyos. Dipo ni awan ti Kautusan ay awan be ti págsuway.

1 Corinto 15:56

U kamandag nu kákkatay ay u kasalanan, sakay u kapangyariyan nu kasalanan ay naggábwat tu Kautusan.

Roma 13:9

U utus hide a konna tu, “Dyan ka mangilállake oni mangibábbey, dyan ka mamuno, dyan ka magtakaw, dyan mo angkinán u kao nu iba,” sakay u iba pa hide a utus ay nabuo la ti eessa a utus, “Mahalán mo u kapareho mo a konna tu págmahal mo tu sadile mo.”

Roma 7:8

Pero dipo tu Kautusan, ay linukag nu kasalanan u baggi ko para tu atanan a kalase ni kasakiman. Dipo awan ti kasalanan ni awan ti Kautusan.

1 Tesalonica 4:5

Diyan kam paalipin tu kagustuwan nu pilas konna tu gággimitán nu awan hide nakatukoy tu Diyos.

Roma 3:5

Nadid, te agum a tolay a magkagi a masmaganda kan a maggimet kitam ti madukás, para ketan kan nu tolay hide a tama u gimet nu Diyos. Kaya kákkagiyán de a awan na kitam kan dapat a parusaan tu kasalanan tam.

Colosas 3:5

Kaya dapat moy dán a ibutan u kagustuwan nu pilas: u pángngibábbey oni pángngilállake, kahalayan, pággisip ti mágkalaswa a bagay, madukás a kagustuwan, sakay u págdámmot a essa a klase ni págsamba tu diyos-diyosan.

Efeso 5:3

Dipo pinile kam nu Diyos bilang kao na, ay awan dán dapat a ketan nikam u tungkul tu ányaman a kalase ni pángngibábbey oni pángngilállake sakay kalaswaan.

Roma 7:13

U gusto na beman a kagiyán a u mágkaganda a bagay u nangatád nikán ti kamatayan? Awan! U kasalanan ay siya u nangatád nikán ti kamatayan. Ginamit nu kasalanan u Kautusan a essa a maganda a bagay, tánni mahatulanák ti kamatayan. Sakay dipo hod, ay natukuyan ko ni sakodya ti kadukás u kasalanan.

Roma 7:11

Dipo ginamit nu kasalanan u Kautusan tánni dayaánnák na, sakay dipo hod ay nahatulanák ti kamatayan dipo awan ko masunud u Kautusan.

Roma 7:5

Nikuna a mabiyag kitam palla tu date tam a pagkatolay, u mágkadukás a kagustuwan nu bággi tam u naghare, sakay lalo pa a pinadukás nu Kautusan kaya nakagimet kitam ti bagay hide a madukás a u resulta na ay u kamatayan tam.

Roma 6:15

Nadid, maggimet kitam pa beman ti kasalanan dipo awan kitamon sakup nu kapangyariyan nu Kautusan, nan sakup dán nu kapangyariyan nu habag nu Diyos? Awan!

Roma 4:1

Nadid, bilang essa a halimbawa ni kodya a inturing nu Diyos a matuwid u tolay, isipan moy ti Abraham a Ama nu Judio hide ti pilas.

Gimet 20:33

Awanák naghangad ti pilak, ginto oni damit tu maskin deya.

Lukas 12:15

Sakay kinagi na nide a atanan, “Magingat kam tu atanan a kalase ni kakutidan; dipo u tunay a biyag nu essa a tolay ay awan masukat tu kakpal nu yaman na.”

Mateo 5:28

Pero nadid itoldu ko nikam a ni ti deya man u umileng la tu bábbey a te soh a dumuhog ay nagkasala dán ti pángngibábbey tu isip na.

Lukas 20:16

“Angay siya hod sakay bunuwan na u katiwala hide tu kaubasan sakay iyatád na tu agum u uma na.” Pákkasaneg nu tolay hide tu kinagi na ay kinagi de, “Dyan nakwan iye ipakultad nu Diyos a mangyare!”

Roma 5:20

U Kautusan ay inyatád nu Diyos tánni ketan nu tolay a makpal u kasalanan de, sakay nadag-dagen pa dipo tu Kautusan. Pero maski ni nadag-dagen u págsuway ay mas lalo a nadagdagen u habag nu Diyos.

Hebreo 7:19

Dipo awan ti magin ganap tu pamamag-itan nu Kautusan ni Moises. Pero mas maganda u bigu a pag-asa a tinanggap tam nadid, dipo makaadene kitamon tu Diyos.