Roma 6:22 - U Maganda A Baheta Ni Jesu-Cristo

²² Pero napalaya kamon tu kasalanan sakay alipin kamon nu Diyos. Sakay u natanggap moy ay kabanalan sakay biyag a awan ti kahád.

Roma 6:22 Referans Kwoze

1 Pedro 2:16

Mabiyag kitam a konna tu tolay hide a tehhod a kalayaan. Pero diyan moy gimitán u kalayaan a iye tu pággimet ti madukás nan mabiyag kam bilang alipin nu Diyos.

Roma 6:18

Nadid, ay napalaya kamon tu kasalanan sakay alipin kamon nu katuwiran.

Roma 8:2

Dipo tu pákpagkaessa tam ni Cristo Jesus, ay napalaya kitamon tu kapangyariyan nu kasalanan sakay kamatayan tu pamamag-itan nu kapangyariyan nu Banal a Ispirito a makapangatád ti biyag.

Juan 8:32

Matukuyan moy u tatahoden tungkol nikan, sakay u tatahoden a itod u mangpalaya nikam.”

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

1 Corinto 7:22

U essa alipin tu itod a dinulaw nu Panginoon ay nagin malaya dán dipo tu Panginoon. Konna bi hod, u tolay a malaya nikuna dulawán ni Cristo ay nagin alipin dán ni Cristo.

1 Pedro 1:9

Dipo magtanggap kamon tu bunga nu pánnampalataya moy, iye ay u kaligtasan moy.

Galacia 1:10

Diyan moy isipán a kaya ku iye a kákkagiyán ay para masaya nikán u tolay. U papure la a gábwat tu Diyos u gusto ko a matanggap. Ni ilingán ku laay ay u ikasaya nu tolay, ay awanák tunay a tagapagserbi ni Cristo.

Roma 6:14

Dipo awan dán dapat a maghare pa nikam u kasalanan, dipo awan kamon sakup nu Kautusan ni awan sakup dán nu habag nu Diyos.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Roma 7:4

Konna labe hod kákkapatkákka ko hide. Natay kamon tu Kautusan tu pamamag-itan nu kákkatay ni Cristo. Nabiyag a huway. Sakay hikam ay kao na dán tánni magbunga kam ti mágkaganda a gimet para tu ikasaya nu Diyos.

Roma 6:21

Pero ánya u inábbang moy tu date moy a kákkabiyag a ikasanike moy dán nadid? U hantunan na ay kamatayan.

Mateo 25:46

Kinagi pa ni Jesus “Iyangay hide tu kaparusaan a awan ti katapusan pero u malinis hide ay makatanggap ti biyag a awan ti katapusan.”

Tito 1:1

Mahal ko a Tito. Hikán iye ti Pablo a alipin nu Diyos sakay apostol ni Jesu-Cristo. Piniliyák na para patatagán u pánnampalataya nu pinile na hide a tolay sakay palawakán u pákkatukoy de tu tatahoden a tungkul tu kakkabiyag a ayun tu kaluuban nu Diyos.

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

Filipos 4:17

Kinagi ko iye, bakán a dipo gusto ko a tumanggap a pirme tu tulung moy hide, nan u gusto ko ay tumanggap kam ti makpal a gantimpala dipo matáttulungán kam.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Efeso 5:9

Dipo ni u essa a tolay ay nademlagan dán ay ketan tu gimet na u maganda, tama sakay tatahoden.

2 Corinto 3:17

U Panginoon a nabanggit he ay u Banal a Ispirito, sakay ni hádya u Banal a Ispirito nu Panginoon, ay tehhod bi hod a kalayaan a gimitán u kagustuwan nu Diyos.

Roma 7:25

Salamat tu Diyos, dipo siya u mángligtas nikán tu pamamag-itan ni Jesu-Cristo a Panginoon tam. Ni konna hod, iye u kalagayan ko, u isip ko ay magpasakupák tu Kautusan nu Diyos, pero dipo tu makasalanan ko a pagkatolay ay magkasalaák pade.

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Juan 15:2

Káttulán na u balang pinget a awan magbunga sakay linisan na u balang pinget a magbunga para mas lalu pa iye a magbunga.

Juan 4:36

U tolay a mággane ay makatanggap ti bayad. Konna bihod u tolay a magtoldu tu upos ko tu kapareho na a tolay ay makatanggap ti gantimpala a gábwat tu Diyos. Sakay u magtiwala hide nikan ay atádden na ti biyag a awan ti kahád. Hide ay kuman a áaniyan a aniyan nu mággane. Kanya magkaguman a masaya u nagmula tu upos nu Diyos sakay u nag-ane tu bunga na.

Mateo 19:29

Sakay ni deya man u manglakad tu bilay na, kapatkaka na hide, ama sakay ina na hide, anak na hide, oni u luta na hide para nikán ay makatanggap be ti pendatos a beses tu linakaden na. Sakay pagkalooban siya ti biyag a awan ti katapusan.

Mateo 13:43

Sakay dumemlag nadid u malinis hide a tolay konna tu aldew hod tu kahariyan nu Ama de. Ni ti deya u makasaneg ay pakaintendiyán na.”

Mateo 13:40

Tu panahun nu ani ay ibutan u mágkadukás a kalase nu halaman hide sakay tutudán Konna labe hina u mangyare tu katapusan nu mundu.

Pahayag 7:13

Tinanungák nu essa tu tagapangasiwa hide, “Deya i nakabaduwe hide ti mapudew, sakay hádya hide a naggábwat?”

Santiagu 1:1

Hikán ti Santiago a alipin nu Diyos sakay alipin nu Panginoon Jesu-Cristo. Magsulaták tu atanan a Judio a mánnampalataya tu Diyos a katoy tu iba-iba a lugar ti munduway. Kumusta kam la hina a atanan.

Colosas 4:12

Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

Hebreo 12:14

Sikapán moy a makasundu u kapareho moy a tolay sakay magpakabanal kam, dipo awan moy ketan u Panginoon ni awan kam mabiyag ti konna he.