Roma 5:19 - U Maganda A Baheta Ni Jesu-Cristo

¹⁹ Dipo tu kássuway nu essa a tolay makpal a nagin makasalanan. Konna man hod, dipo tu kássunud nu essa a tolay ay makpal a imbilang u Diyos a matuwid.

Roma 5:19 Referans Kwoze

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Roma 5:18

Kanya dipo tu kasalanan nu essa a tolay, u atanan ay nahatulan tu kaparusaan. Konna man hod, dipo tu matuwid a ginimet nu essa a tolay, u atanan ay mebilang a awan ti kasalanan sakay maatádden ti biyag a awan ti kahád.

Filipos 2:8

Sakay nikuna a nagin tolay siya ay nagpakababa siya sakay nagin masássunudán siya tu Diyos hanggan kamatayan, maski pa u kákkatay na tu kudus.

Roma 5:12

Nadid, nagkahod ti kasalanan ti munduway dipo tu kassuway ni Adan tu utus nu Diyos. Sakay dipo tu kasalanan na ay nagkahod be ti kamatayan. Kanya matay u atanan a tolay, dipo nagkasala u atanan.

Efeso 1:6

Puriyán tam u Diyos dipo tu makataka-taka a kagbi na a inyatád na nikitam tu pamamag-itan nu pinakamamahal na a Anak.

Roma 5:15

Pero u impamana ni Jesu-Cristo sakay tu kasalanan a impamana ni Adan ay dakál u pagkakaiba. Tatahoden a nakapangatád ti kamatayan tu makpal a tolay u kasalanan ni Adan, pero mas higit u kagbi sakay kaluub nu Diyos a dummemát tu makpal a tolay tu pamamagitan nu essa a tolay a ti Jesu-Cristo.

Roma 11:32

Kaya atanan a tolay, Judio man oni Hentil, ay pinabayan nu Diyos a manatile hide tu pagkamasássuwayán de para ipeta na nide a atanan u kagbi na.