Roma 3:25 - U Maganda A Baheta Ni Jesu-Cristo

²⁵ Ti Jesu-Cristo u pinaangay he nu Diyos ti munduwáy tánni iyalay na u biyag na, para maibut u iyamut nu Diyos nikitam, sakay tu pamamag-itan nu dige na ay napatawad dán u kasalanan tam ni sumampalataya kitam nikuna. Ginimet iye nu Diyos tánni ipeta na a siya ay matuwid, dipo tu purumero ay nagpasensiya siya sakay pinalipas na la u kasalanan a nagimet nu tolay hide a nakwa pinarusaan na dán hide.

Roma 3:25 Referans Kwoze

1 Juan 4:10

Iye u tatahoden a págmahal: bakán a minahal tam u Diyos, nan hikitam u minahal na. Iye u dahilan kanya na he a pinaangay u Anak na tánni magin alay para tu kapatawaden nu kasalanan tam hide.

1 Juan 2:2

Inyalay ni Cristo u bággi na para mapatawad u kasalanan tam hide, sakay bakán la a u kasalanan tam hide nan pate u kasalanan nu atanan a tolay.

Roma 5:9

Sakay nadid ay nebilang kitamon a awan ti kasalanan tu pamamag-itan nu dige ni Cristo, kanya siguradu dán u kaligtasan tam tu parusa nu Diyos dipo ni Cristo.

Gimet 17:30

Nalay a panahun a pinabayan nu Diyos u tolay hide tu awan de pángtengge nikuna. Pero nadid ay inyutus na tu atanan a tolay tu bawat lugar a magsise sakay adeyuwan di dán u madukás de a kákkabiyag.

Hebreo 10:4

Dipo u dige nu lállake hide a baka sakay nu kambing hide ay awan makapang-ibut tu kasalanan hide nu tolay.

Pahayag 13:8

Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.

Hebreo 11:7

Dipo tu pánnampalataya ay sinaneg ni Noe u babala nu Diyos tungkul tu bagay hide a mangyare a awan na palla netan. Kanya naggimet siya ti essa a dakál a abang tán maligtas siya sakay u pamilya na. Dipo hod ay nahatulan u tolay hide ti munduway, pero ti Noe ay nebilang a matuwid dipo tu pánnampalataya na tu Diyos.

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

Pahayag 20:15

Ni deya man u awan ti ngahan tu libro a listaan nu tolay hide a inatádden ti biyag a awan ti kahád ay ibut tu malawak a apoy.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.

Hebreo 11:14

Hod tam he a matukuyan a u tolay hide a konna hod ti pággisipan ay maguhay palla hide ti sadile de a banuwan.

1 Juan 1:10

Pero ni kagiyán tam a awan kitam nakagimet ti kasalanan ay ginimet tam a mabule u Diyos sakay awan ketan tu biyag tam u Upos na.

Hebreo 11:17

Dipo tu pánnampalataya ni Abraham, ay inyalay na ti Isaac nikuna a subukán siya nu Diyos. Handa siya a máng-alay tu mággeessa na a anak, maski tukoy na a u pananto nikuna nu Diyos

Hebreo 9:5

Tu dibbew nu Kaban ay tehhod a kerubin a mángpeta a katoy hod u Diyos. Táttakáppan nu pakpak de hide u Lugar nu Kagbi. Pero ti nadidáy ay awan mi palla mepaliwanag a atanan.

1 Timoteo 1:15

Tatahoden iye a pahayag kaya dapat a paniwalaan nu atanan: Dimmemát ti lutaáy ti Jesu-Cristo para iligtas u makasalanan hide. Sakay hikán u pinakamadukás tu atanan.

Roma 5:11

Sakay bakán la sa ina, masaya kitam tu rilasyon tam tu Diyos, dipo tu ginimet nu Panginoon tam a ti Jesu-Cristo. Dipo nikuna ay tinanggap kitam nu Diyos a kaibigan na.

Roma 3:26

Pero nadid pinaangay na he ti Cristo tánni ipeta na a matuwid siya. Dipo ti iye a ginimet na, pinatunayan na a tama siya tu pangturing na a matuwid u sumampalataya hide ni Jesus.

Roma 2:4

Oni akala moy beman awan kam parusaan nu Diyos, dipo tunay siya ti bait, mapagpugád sakay mapasensiya? Awan moy beman tukoy a atádden naka ti pagkakataun a magsise sakay magbagu kanya talaga a mabait siya niko?

Gimet 4:28

Tu ginimet de ay natupad dán u balak mo tu itod. Sakay nangyare iye tu kapangyariyan mo sakay tu kagustuwan mo.

Gimet 3:18

Dipo tu ginimet moy ay natupad dán u inpahayag nu Diyos tu pamamag-itan nu prupeta hide tu itod a kailangan a maghirap ti Cristo.

Gimet 15:18

Iye u kinagi nu Panginoon a nángpakapospos ti bagayan hidenye sapul pa tu itod.’”

Gimet 2:23

Sapul pa tu sapul ay tukoy dán nu Diyos a ti Jesus ay iyatád na nikam, kanya ayun tu karunungan na ay pinayagen na a impepako moy sakay pinabuno tu makasalanan hide a tolay.

Juan 6:47

Kagiyan ko nikam u tatahoden: U maniwala nikán ay tehhod a biyag a awan ti kahád.

Gimet 14:16

Tu limmipas a panahun ay pinabayan na a sunudán nu atanan a tolay u gusto de hide a gimitán.

Roma 5:18

Kanya dipo tu kasalanan nu essa a tolay, u atanan ay nahatulan tu kaparusaan. Konna man hod, dipo tu matuwid a ginimet nu essa a tolay, u atanan ay mebilang a awan ti kasalanan sakay maatádden ti biyag a awan ti kahád.

1 Corinto 5:7

Kanya ibutan moy dán u date a págpaalsa, u kasalanan tánni luminis kam. Tánni mepareho kam tu essa a bigu a namasa a awan ti págpaalsa. U tatahoden ay nalinisan kamon dipo nealay ti Cristo para nikitam. Konna siya tu tupa a iyalay kada aldew nu káttaleb.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 2:13

Pero nadid, dipo tu pákpágkaessa moy ni Cristo Jesus, hikam a date a adeyo ay neadeni dán tu pamamag-itan nu dige ni Cristo a nagbulos nikuna a matay siya tu kudus.

Hebreo 9:28

Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.