Roma 2:27 - U Maganda A Baheta Ni Jesu-Cristo

²⁷ Kanya maski hikam a Judio hide sakay nature, patunayan nu bakán hide a Judio a dapat kam a parusaan. Dipo maski awan hide ture sakay awan nide u Kautusan ay sássunudán di labe. Pero hikam a makatukoy tu Kautusan ay lumabag labe ti iye.

Roma 2:27 Referans Kwoze

2 Corinto 3:6

Inatádden na kame ti kakayanan para ipangaral u tungkul tu bigu na a tipan. Sakay i ipáppangaral miyan iye ay awan neayun tu nakasulat tu Kautusan nan tu Ispirito. Dipo u iyatád nu nakasulat a Kautusan ay kamatayan, pero u Ispirito ay mangatád ti biyag.

Roma 8:4

Ginimet iye nu Diyos tánni u ipatupad nu Kautusan ay matupad tam be a mabiyag tu págiyya nu Banal a Ispirito sakay bakán a ayun tu makasalanan tam a pagkatolay.

Roma 2:29

U tatahoden a Judio ay u tolay a nabagu u puso tu pamamag-itan nu Ispirito nu Diyos, sakay bakán a dipo nature siya. U papure nikuna ay bakán a gábwat tu tolay nan gábwat tu Diyos.

Hebreo 11:3

Dipo tu pánnampalataya ay naintendiyan tam a nilalang u mundu tu pamamag-itan nu upos nu Diyos sakay u bagay hide a ketan ay gábwat tu awan hide ketan.

Galacia 5:14

Dipo u buo a Kautusan ay makagi la ti essa a upos, “Mahalán mo u kapareho mo a tolay, konna tu págmahal mo tu sadile mo.”

Roma 13:10

U tolay a magmahal ay awan maggimet ti madukás tu kapareho na. Kanya ni magmahalan kitam ay táttupadán tam u buo a Kautusan.

Roma 2:20

Sakay dipo hikam u timmanggap tu Kautusan ni Moises ay kákkagiyán moy a tukoy moy dán u atanan, kanya kákkagiyán moy a hikam u tagapagtoldu tu awan hide ti tukoy sakay tagapagtoldu tu anak palla hide ti pákkatukoy tu bagay hide tungkul tu Diyos.

Gimet 13:22

Sakay nikuna ibutan siya nu Diyos tu katungkulan na ay inpalit na ti David para magin hare. Sakay konna he u kinagi nu Diyos tungkul nikuna, ‘Netan ko ni David a anak ni Jesse u atanan a gusto ko, dipo tukoy ko a nakahanda siya a sumunud tu atanan a iyutus ko!’

Mateo 3:15

Pero tinábbeg siya ni Jesus, “Pabayan mo padla a mangyari iye nadid. Dipo tu gimitán ta nadid ay matupad ta u atanan a utus nu Diyos a gimitán ta.” Kanya pinumayag ti Juan a bawtismuwan na ti Jesus.

Roma 2:15

U mágkaganda de a gimet ay mángpeta tu inyutus nu Kautusan ay katoy tu puso de. U konsensiya de u mángpatunay, dipo ni maggimet hide ti madukás ay usigán hide nu konsensiya de sakay ni maggimet hide ti maganda ay tukoy labe nu isip.

Roma 2:25

Hikitam a Judio ay ture dipo sa itod u utus nu Diyos a patunay a hikitam u pinili na a magin tolay na pero awan ti halaga u pagigin ture tam ni awan tam sássunudán u Kautusan na.

Roma 2:26

Ni u hentil a awan nature ay maggimet ti maganda a ayun tu kinagi nu Kautusan, awan beman siya ibilang nu Diyos a ture?

Roma 3:30

Eessa la u Diyos para tu Judio hide sakay tu bakán a Judio, sakay pareho hide a ituring nu Diyos a awan ti kasalanan dipo tu pánnampalataya de ni Cristo.

1 Corinto 7:19

Awan ti halaga ni ture u essa a tolay oni awan ture u mahalaga ay u kássunud tu utus hide nu Diyos.

Efeso 2:11

Kanya isipán moy u date moy a kalagayan: neenak kam a Hentil sakay ngángngahanan a “Awan nature” nu Judio hide. (U Judio hide ay ngángngahanan a “nature” ayun tu gággimitán de tu bággi de.)

2 Timoteo 3:15

Sakay sapul pa a anak ka ay tukoy mo dán u Banal a Kasulatan. Iye u makapangatád niko ti karunungan para magkahod ka ti kaligtasan tu pamamag-itan nu pánnampalataya ni Cristo Jesus.