Roma 2:18 - U Maganda A Baheta Ni Jesu-Cristo

¹⁸ Kákkagiyán moy pa a tukoy moy u kaluuben na sakay tukoy moy u mágkaganda hide a bagay dipo intoldu nikam nu Kautusan.

Roma 2:18 Referans Kwoze

1 Tesalonica 5:21

Pagadalan moy ti husto u toldu hide ni iye ay gabwat tu Diyos oni awan sakay ni anya u maganda ay sala itod u sunudan moy.

Santiagu 4:17

Kanya ni tukoy nu essa a tolay u maganda pero awan na ginimet ay nagkasala siya.

Filipos 1:10

Tánni matukuyan moy ni ánya u pinakamaganda a dapat moy a gimitán. Para tu káddemát nu Aldew nu kássole ni Cristo ay demáttan nakam a malinis sakay awan ti kapintasan.

Hebreo 5:14

Pero u maigát a kanán ay para tu mágkatanda dán hide sakay tukoy na dán u maganda ay tu madukás.

Roma 15:4

U atanan a nesulat tu Kasulatan tu itod pa a panahun ay nesulat para tolduwan na kitam. Sakay tu pamamag-itan nu Kasulatan ay magin matatag kitam tu pánniwala sakay magkahod kitam ti pag-asa.

Juan 13:17

Ta tukoy moy dán iye hide a bagay ay pagpalaan kam nu Diyos ni iye u gimitán moy.

Lukas 12:47

“U alipin a makatukoy tu gusto a ipagimet nu amo na pero nagpabaya sakay awan na sinunud ay makatanggap ti madágge a parusa.

Lukas 1:4

tánni lalu moy a matukuyan u tatahoden a intoldu nikam.

Roma 2:19

Sakay tu pangisip mo tu sadile mo ay tagagiya ka tu buhák hide tu katutuhanan sakay demlag ka tu nadiklámman hide ti isip.