Roma 2:10 - U Maganda A Baheta Ni Jesu-Cristo

¹⁰ Pero atádden nu Diyos ti karangalan, papure sakay kapayapaan u atanan a maggimet ti maganda, purumero u Judio hide sakay u bakán a Judio.

Roma 2:10 Referans Kwoze

1 Pedro 1:7

U ginto a masida ay subukán tu apoy para matukuyan ni talaga a ginto. Konna labi hod, tu pánnampalataya moy, a mas mahalaga kasera tu ginto ay subukán be ti pagsubuk tán matukuyan ni talaga a matapat kam. Tánni mapuriyan, dakilaán, sakay parangalan kam tu Aldew a mehayag ti Jesu-Cristo.

Santiagu 3:13

Deya nikam u marunung sakay makaintendi? Patunayan moy iye tu pamamag-itan nu matuwid a kákkabiyag sakay u maganda a gimet bunga nu págpakababa sakay karunungan.

Roma 8:6

U sapitán nu kássunud tu makasalanan a pagkatolay ay kamatayan, pero u sapitán nu kássunud tu kagustuwan hide nu Banal a Ispirito ay kapayapaan sakay biyag a awan ti kahád.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Lukas 1:79

Tán mademlagen u katoy hide tu kadiklámman sakay u nágkatay dán ti kasalanan, Igiyya na kitamon patamo tu kapayapaan.”

Santiagu 2:22

U pánnampalataya na sakay tu maganda na a gimet ay magkaguman. Dipo u pangtupad na tu kinagi nu Diyos u paketaan a tatahoden u pánnampalataya na.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

Roma 2:9

Atanan a tolay a maggimet ti madukás ay parusaan nu Diyos, purumero u Judio hide sakay u bakán hide a Judio.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Filipos 4:7

Ni ginimet moy iye, atádden kam nu Diyos ti kapayapaan a siya u mangbantay tu puso sakay tu isip moy dipo tu pákpagkaessa moy ni Cristo Jesus. I kapayapaanan iye ay awan kaya a maabut nu isip nu tolay.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Roma 9:23

Ginimet na iye tánni ipeta na u awan ti kapareho a kadakilaan na tu tolay hide a kinahabagen na, a tu itod pa ay inhanda na dán para parangalan na.

Roma 9:21

Konna tu essa a maggimet ti banga, te karapatan siya a gimitán u luta ayun tu gustu na. Te karapatan siya a maggimet ti essa a kasangkapan a mágkamahal sakay essa be a kalase a mágkamura la.

Gimet 10:35

Nasaya siya tu tolay a te ánteng nikuna sakay u maggimet ti tama, maskin ánya a ka lahe.

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Lukas 22:14

Nikuna dummemát dán u odas nu pángngapon de, ay nákpággatubang ti Jesus tu disepulus na hide.

Lukas 19:42

Kinagi na, “Ni ányaán ku pala ay matukuyan moy nakwa ni ánya makapangatádday nadid nikam ti kapayapaan! Pero awan kam la ti nangmala-malayan.

Lukas 12:37

Pinagpala u alipin hide a demáttan na a awan tidug sakay nakahanda tu káddemát nu amo de. Kagiyán ko nikam, pággetnudan na hide tu lamisaan sakay serbiyan na hide mentaras a kuman hide.

Lukas 9:48

Sakay kinagi na nide, “Ni deya man u mangtanggap ti anakan iye alang-alang nikán ay hikán u tinanggap na, sakay ni deya man u mangtanggap nikán ay mangtanggap be tu nangutus nikán a umangay he. U mapagpakumbaba nikam a atanan ay siya u pinakadakila.”

Mateo 10:13

Ni awan karapatdapat u mágyan hod ay bawiyán moy u bati moy pero ni karapatdapat hide ay dyan moy bawiyán.

1 Pedro 5:4

Sakay káddemát nu kapunuwan nu Pastol hide ay makatanggap kitam ti magkislap-kislap a kurona a awan masisida.

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

1 Timoteo 1:17

Nadid, U Diyos a Hare a awan ti kahad, awan ti kamatayan, awan ketan sakay maggeessa a Diyos siya u puriyán tam sakay parangalan hanggan-hanggan Amen!

Hebreo 2:7

Ginimet mo u tolay a mas mababa tu anghel mo hide tu sabadit a panahun, pero pinagkaluuben mo siya ti kadakilaan sakay karangalan.