Roma 12:16 - U Maganda A Baheta Ni Jesu-Cristo

¹⁶ Mabiyag kam ti mapayapa tu balang essa. Dyan kam magmadakál, ni awan mákpággagum kam ti maayus tu mababa hide ti kalagayan a tolay. Dyan kam mágmaru-marunung.

Roma 12:16 Referans Kwoze

1 Pedro 3:8

Nadid, sa iye u bilin ko nikam kákkapatkákka ko hide, dapat kam a mamággagum ti maganda, magkaessa sakay magmahalan a konna tu mátkaka, dapat kambe a makákkagbiyán sakay mapagpakumbaba.

Hebreo 13:5

Diyan kam kumán a hupa ni pilak; makontento kamon ni ánya u katoy nikam. Dipo kinagi nu Diyos, “Awan taka lakaden oni pabayan.”

Roma 15:5

Nakwa u Diyos a mangpatatag sakay mangpabegsk tu pánnampalataya tam u tumulung nikam a mabiyag a te, págkaka-essa bilang tagasunud hide ni Cristo Jesus.

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

1 Corinto 3:18

Dyan moy dayaán u sadile moy. Ni tehhod a magakala nikam a malalake siya ayun tu karunungan ni munduwáy ay dapat ibilang na dán u sadile na a awan ti tukoy tánni matukuyan na u karunungan a gábwat tu Diyos.

2 Corinto 13:11

Hanggan dálla he, kákkapatkákka, paalam dán nikam. Sikapán moy a lumagu kam sakay sunudán moy u payo ko hide; magkaessa kam, sakay mabiyag a tehhod a kapayapaan. Ni konna hod, u Diyos nu págmahal sakay kapayapaan ay makaguman moy.

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

Lukas 14:13

Pero ni maghanda ka ti dakál a handaan, u akitán mo ay u magkahirap hide a tolay, u lumpo hide, u pilay hide, sakay u buhák hide.

1 Corinto 8:2

U tolay a magkagi a makpal dán siya a tukoy, ay kulang palla a talaga u tukoy na.

1 Corinto 6:5

Masanike kam be! Awan dán be malla nikam ti maare a mang-ayus tu problema moy a mátkaka?

Filipos 4:2

Mákkekakagbiyák nikam Euodia sakay Sintique, a magkasundu kamon a duwwa bilang matkaka tu Panginoon.

1 Corinto 4:10

Kagi nu tolay hide, Awan kame kan ti tukoy dipo u itáttoldu me ay tungkul ni Cristo; pero mágkarunung kam kan dipo ni Cristo! Mágkahina kame kan; pero mágkabegsák kam kan! Sássestiyán kame pero igággalang kam!

Lukas 6:20

Immileng ti Jesus tu disepulus na hide sakay kinagi na, “Pinagpala u mágkahirap hide nadid, dipo paghariyan kam nu Diyos!

Mateo 26:11

Tu atanan a panahon ay kakaguman moy u pobre hide pero hikán ay awan moy makaguman ti habang panahon.

Mateo 11:5

Ikagi moy a maketa dán u buhák. Makalakad u pilay. Nagpiyya u te ketong. Makasaneg dán u bángngág. Nabiyag u patay sakay natolduwan dán u pobre hide tu maganda a baheta.

1 Pedro 5:3

Diyan moy ituring a alipin u tolay hide a intiwala nikam nu Diyos nan ipeta moy a maganda kam a halimbawa nide tánni ahigán di kam.

Filipos 3:16

U mahalaga ay magtulos-tulos kitam a sumunud tu tatahoden a natukuyan tam.

Filipos 1:27

Kaya ngane kákkapatkákka ko hide, pagsikapan moy a mabiyag a ayun tu Maganda a Baheta tungkul ni Cristo. Dipo maski makasoliyák man hina nikam oni awan ay nakasiguduwák a tulos-tulos kam a matatag tu essa a layunin sakay mamágkaguman tu pánglaban tu Maganda a Baheta.

1 Corinto 1:10

Nadid kákkapatkákka hide, mákkekakagbiyák nikam tu ngahan nu Panginoon tam a ti Jesu-Cristo: mabiyag kam ti maayus a awan mamágdadema magkaessa kam ti isip sakay layunin tánni awan nikam ti pamágkampe-kampe.

Gimet 4:32

Namágkaessa ti isip u mánnampalataya hide. Sakay awan sinadile nu bawat essa u ari-arian de nan para nide a atanan.

3 Juan 1:9

Nagsulaták tu mánnampalataya hide pero awan pinahalagaan ni Diotrefes u kinagi ko; dipo u gusto na ay siya u tenggiyán a puno.

Roma 6:2

Awan! Awan kitamon dapat mabiyag, tu págkakasala dipo konna kitam tu essa a patay a awan dán magkasala.

Roma 11:20

Tatahoden ina. Kináttol hide dipo awan hide sumampalataya ni Cristo, sakay hikam ay inkabit dipo nanampalataya kam nikuna. Kanya dyan kam magmadakál, nan magkahod kam ti ánteng.