Roma 10:16 - U Maganda A Baheta Ni Jesu-Cristo

¹⁶ Pero awan atanan ay tummanggap tu Maganda a Baheta. Kinagi ngane ni Isaias, “Panginoon, sasangan la u naniwala tu itáttoldu me hide.”

Roma 10:16 Referans Kwoze

Roma 3:3

Maski ni awan maniwala u sangan nide tu pananto nu Diyos, u gusto na beman a kagiyán ay awan dán tapat u Diyos tu págtupad na tu pananto na hide?

Hebreo 4:2

Dipo konna nide ay nakasaneg kitam be ti Maganda a Baheta. Pero awan de napakinabangan u nasaneg de, dipo awan di iye tinanggap a tehhod a pánnampalataya.

2 Tesalonica 1:8

Dumemát siya a tehhod a maggehab a apoy, sakay parusaan na u awan hide nangtengge tu Diyos sakay awan naniwala tu Maganda a Baheta tungkul tu Panginoon tam ati Jesus.

Galacia 5:7

Maganda dán nakwa u kássunud moy tu tatahoden a pánnampalataya. Ti deya u nangpugád nikam a diyan itulos u kássunud moy tu tatahoden?

1 Pedro 2:8

Sakay nakasulat be a, “Itod labe a bito u kesángdulan sakay kehakpaan nu tolay hide.” Nesángdul hide dipo awan hide sumunud tu upos nu Diyos, sakay iye u inhanda nu Diyos para nide.

Hebreo 11:8

Dipo tu pánnampalataya tu Diyos ay sinunud ni Abraham u utus nu Diyos a umangay tu lugar a inpananto na nikuna. Simmunud ngane siya maski awan na tukoy ni hádya angayan naay.

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

Roma 6:17

Pero salamat tu Diyos dipo hikam a date a alipin nu kasalanan ay buo a puso moy dán a sinunud u adal a intoldu nikam.

Roma 2:8

Pero tu agum hide a awan ti áisipán nan u sadile di la sakay umád de a sumunud tu tatahoden nan tu kadukássan ay ipadanas nide nu Diyos u garabi a iyamut na.

1 Pedro 3:1

Hikam a bábbey hide, pasakup kam tu kákkabanga moy hide. Ni tehhod palla nide a awan naniwala tu upos nu Diyos ay maakit la be ina hide dipo tu maganda moy a gimet. Maski ni awan kamon magpaliwanag nide,

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

Galacia 3:1

Hikam a taga Galacia hide, awan kam ti tukoy! Deya i nakaalumayaay nikam? Malinaw a nepakapospos ko nikam ni kodya a natay ti Jesu-Cristo tu kudus!

Roma 16:26

pero nadid ay nehayag dán tu atanan a tolay tu pamamag-itan nu insulat nu prupeta hide. Iye ay ayun tu utus nu awan ti kamatayan a Diyos, tánni u atanan nu tolay ay manampalataya sakay sumunud nikuna.

Roma 11:17

U Judio hide ay konna tu essa a ponan nu kayo a olibu a kináttol u sangan tu pinget na hide. Sakay hikam a bakán a Judio ay konna tu pinget hide nu olibu a timmubu tu talon a inkabit bilang kapalit tu kináttol a pinget hide. Kanya nakinabang kam tu págpapala nu Diyos a para tu Judio hide.

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

Gimet 28:24

Tehhod a naniwala sakay tehhod labe a awan naniwala tu kinagi na.

Juan 10:26

Pero umád moy a maniwala nikán, dipo awan kam kasale tu tupa ko hide.

Mateo 13:14

Natupad ngane dán nide u kinagi nu Diyos ni propeta Isaias tu itod pa a ‘Masaneg moy u kinagi ko pero awan moy maintendiyan. Ketan moy u gimitán ko pero awan moy maintendiyan.