Roma 1:20 - U Maganda A Baheta Ni Jesu-Cristo

²⁰ Sapul pa nikuna a lalangán nu Diyos i munduway, u katangian na a awan ketan, u awan ti kahád a kapangyariyan na sakay u pagka-Diyos na ay maliwanag a ketan tu bagay hide a linalang na, kanya awan hide ti medahilan.

Roma 1:20 Referans Kwoze

Roma 1:19

Dipo tukoy di dán u katutuhanan tungkul tu Diyos, dipo impeta dán nu Diyos nide.

Roma 2:15

U mágkaganda de a gimet ay mángpeta tu inyutus nu Kautusan ay katoy tu puso de. U konsensiya de u mángpatunay, dipo ni maggimet hide ti madukás ay usigán hide nu konsensiya de sakay ni maggimet hide ti maganda ay tukoy labe nu isip.

Juan 1:18

Maski nikan ay awan palla ti naketa tu Diyos Ama, pero impakilala siya nikitam nu Diyos Anak, u kaessa-essa a Anak a minahal nu Ama.

Juan 15:22

Ni awanák he immangay a nagupos nide ay awan nakwa napatunayan a nagkasala hide. Pero nadid ay awan dán hide ti merason tu kasalanan de.

1 Timoteo 1:17

Nadid, U Diyos a Hare a awan ti kahad, awan ti kamatayan, awan ketan sakay maggeessa a Diyos siya u puriyán tam sakay parangalan hanggan-hanggan Amen!

Colosas 2:9

Kaya diyan kam padaya dipo u buo a pagka-Diyos ay katoy ni Cristo maskin nagin tolay siya.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

Roma 2:1

Nadid, makay ni kagiyán mo a dapat la a mahatulan i iye a tolay dipo tu kadukássan na. Pero maski hiko a maghatul ay awan ti medahilan. Dipo tu pághatul mo tu iba ay hinatulan mo dán be u sadile mo. Dipo gággimitán mo labe u konna hod a bagay.

Colosas 1:15

U Diyos ay awan ketan pero ketan u Diyos ni Cristo. Siya u tehhod a kapangyariyan tu atanan a nilalang.

1 Timoteo 6:16

Siya la u awan mata-matay, sakay mágyan tu demlag a awan maláttángngan. Awan ti tolay a naketa oni maketa nikuna. Kao na u karangalan sakay u awan ti katapusan a kapangyariyan. Amen.

Roma 16:26

pero nadid ay nehayag dán tu atanan a tolay tu pamamag-itan nu insulat nu prupeta hide. Iye ay ayun tu utus nu awan ti kamatayan a Diyos, tánni u atanan nu tolay ay manampalataya sakay sumunud nikuna.

Gimet 17:29

Nadid, dipo anak kitam nu Diyos ay diyan tam ipalagay a konna la siya tu letrato a ginto, pilak, oni bito a ginimet la nu tolay.

Hebreo 11:27

U pánnampalataya be u nánggiya ni Moises a lakaden na i Egipto maski ni magingál u hare. Mabegsák u isip na dipo kumán na a ketan u Diyos.

Mateo 5:45

Tánni magin tunay kam a anak nu Ama moy a atoy ti langet. Dipo atádden na a parehas ti sinag sakay uden u mabait sakay u madukás a tolay.

Gimet 22:1

“Nadid, kákkapátkákka hide sakay dáddakál hide, sanigán moy kagiyán kuwáy nadid bilang págdipensa ti sadile kuwáy.”

Markos 10:6

Dipo sapul pa nikuna a lalangán nu Diyos i munduwáy ay, linalang na u tolay a lállake sakay bábbey.

1 Corinto 1:20

Nadid, anya u lamang nu mágkalalake hide a tolay, u maisto hide nu Kautusan, u mágkalalake a magdibate ti panahunáy nadid? Awan! Impeta nu Diyos a u karunungan ti munduwáy ay awan ti pinagseserbiyan.