Roma 1:11 - U Maganda A Baheta Ni Jesu-Cristo

¹¹ Gusto ko dán be a ketan takam, tánni mabahagiyan tu kaluub hide a ispiritwal para bumegsák kam.

Roma 1:11 Referans Kwoze

2 Pedro 1:12

Kaya ngane, maskin tukoy moy dán iye hide sakay matatag kamon tu tatahoden a katoy nikam ay pirme takam padi a paalaalaan ti iye hide a bagay.

Roma 16:25

Sakay nadid, puriyán tam u Diyos a siya u makapangpatibay tu pánnampalataya moy ayun tu Maganda a Baheta a intoldu ko nikam. U Maganda a Baheta a iye ay tungkul ni Jesu-Cristo, a nelihim tu nalay dán a panahun,

2 Tesalonica 3:3

Matapat u Panginoon. Atádden na kam ti begsak ni pannampalataya sakay ingatan na kam para awan kam matalo ni Satanas.

Roma 15:29

Maniwalaák a káddemát ko hina nikam, ay tawed ko u makpal a págpapala para nikam a gábwat ni Cristo.

1 Pedro 5:12

Ti Silvano u nangtulung nikán ti iye a sulat. Essa siya a kapatkákka tam a tapat sakay pagtiwalaan ko. Tu pamamag-itan ni sulat kuwan iye ay gusto ko a pabegsákkán u isip moy sakay patunayan a u atanan a intoldu ko nikam tungkul tu kagbi nu Diyos ay tatahoden. Kanya diyan kam humiwalay ti kagbi naan iye.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

2 Tesalonica 2:17

Atádden kam nakwa nu Diyos ti matatag a kaluuben para mepahayag moy sakay megimet u atanan a mágkaganda.

Gimet 19:6

Sakay ti Pablo ay intupo na u kamát na nide sakay simmidung nide u Banal a Ispirito. Nagupos hide ti iba-iba a upos sakay nagpahayag tu upos a gábwat tu Diyos.

Gimet 16:5

Kanya lalo a timmibay u pánnampalataya nu kákkapátkákka hide, sakay kumákkakakáppal u sumampalataya hide a medag-dag ti aldew-aldew.

1 Tesalonica 3:13

Pabegsákkán na u isip moy tánni manatili kam a banal sakay awan ti kapintasan tu atubang nu Diyos tam a Ama hanggan tu káddemát a huway nu Panginoon tam a ti Jesus, kaguman u pinili na hide.

1 Tesalonica 3:2

Sakay pinaangay mi hina nikam ti Timoteo a kapatkákka tam sakay kaguman me a tagapagserbi tu Diyos tu pángpakapospos tu Maganda a Baheta patungkul tu Panginoon tam a ti Cristo. Pinaangay me siya hina nikam tán pabegsákkán u isip moy sakay tán patibayán u pánnampalataya moy.

Filipos 4:1

Kaya ngane mahal ko hide a kákkapatkákka, magpakatatag kam tu pánnampalataya moy tu Panginoon. Mahal takam sakay maammawák nikam hikam u kasayaan sakay gantimpala tu págserbi ko.

Filipos 2:26

Dipo tunay dán u soh na a ketan nakam hina a atanan, mabalisa siya a tahod dipo natukuyan na a nabaheta moy a nagkasakit siya.

Filipos 1:8

Tukoy nu Diyos a grabi dán i ammaw kuwáy dipo dakál u págmahal ko nikam a konna tu págmahal ni Cristo Jesus nikam.

2 Corinto 9:14

Kaya buo a págmahal di kam a idáddasal, dipo tu dakila a kaluub nu Diyos nikam.

2 Corinto 1:21

U Diyos u nangpatibay nikame sakay nikam tu pákpágkaessa tam ni Cristo, sakay siya be u nangpile nikitam.

Roma 15:32

Tánni konna hod, masayaák a makademát hina nikam ni kaluuben nu Diyos, sakay makaimang hina nikam.

Roma 15:23

Pero nadid tapus dán u tarabaho ko hide heeh, sakay dipo nalay ku dán a gusto a umangay hina,

Gimet 19:21

Káttapos ni itod a pangyayare, tu tulung nu Banal a Ispirito ay naisip ni Pablo a humoyot ti Macedonia sakay Acaya bagu a angay ti Jerusalem sakay kinagi na, “Kailangan ko be a angay ti Roma, kággábwat ko ti Jerusalem.”

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.

2 Corinto 11:4

Dipo masaya kam a mangtanggap tu maskin deya a dumemát sakay mangaral ti iba a Jesus kesa tu impangaral me. Tinanggap moy u ispirito sakay adal a iba tu itáttoldu me nikam.

Roma 1:12

U gusto ko a kagiyán ay tánni matulungan tam u balang essa para bumegsák u pánnalig tam tu Diyos.

2 Corinto 1:15

Dipo ti pánniwala kuwan iye, ay binalak ko a penduwaák hina a umangay tánni maduble u págpapala moy.