Pahayag 8:8 - U Maganda A Baheta Ni Jesu-Cristo

⁸ Nikuna a patánnugán nu kaduwwa a anghel u trumpeta na ay timmáppel tu diget u kumán a dakál a buked a magapoy-apoy, kaya u katállo a parte nu diget ay nagin dige.

Pahayag 8:8 Referans Kwoze

Markos 11:23

Tatahoden u kagiyán ko nikam, maare moy a kagiyán ti bukidan iye, ‘Umagton ka tu diget!’ Sakay ni awan kam magduwwa-duwwa ti isip, ay talaga a mangyare u kinagi moy.

Pahayag 8:7

Nikuna patánnugán nu purumero a anghel u trumpeta na ay naguden tu luta ti iyelo sakay apoy a te kahalo a dige. Kaya natutod u katállo a parte ni lutaáy, u katállo a parte nu kakayowan, sakay u atanan a lamon.

Pahayag 11:6

Te kapangyariyan hide a mangpugád tu uden mentaras a magpahayag hide tu upos nu Diyos. Te kapangyariyan be hide a pagin digiyán u dinom, sakay mangpademát ti salut tu tolay hide maski ánya man a odas a gustuwán de.

Pahayag 9:15

Kaya u áppat a anghel a nelaan para ti iye a odas, aldew, bulan sakay taon ay pinalaya tánni bunuwán de u katállo a parte nu atanan a tolay ti munduwáy.

Pahayag 9:18

U tállo a salut a nangbuno tu katállo a parte nu katolayan ti munduway ay u apoy, asok, sakay u asupre a gábwat tu labi de.

Pahayag 12:4

Kinahed nu ipos na u katállo a parte nu biton hide ti langet sakay insapwag na itod ti lutaáy. Káttapos ay timmaknág siya tu áoyadan nu bábbey a adene dán a magenak tánni itálmok na u anak tu kálluwas na.