Pahayag 6:14 - U Maganda A Baheta Ni Jesu-Cristo

¹⁴ Nawan u langet a konna tu kasulatan a bigla a nalukot. Sakay u buked ay tu puduk ay neagton gábwat tu date de a págyanan.

Pahayag 6:14 Referans Kwoze

Pahayag 16:20

Nágkawan u atanan a puduk, sakay minágkaduhay u atanan a buked.

2 Pedro 3:10

Pero u aldew a kássole nu Panginoon ay dumemát a konna tu káddemát nu essa a mágtakaw. Awan ti makatukoy! Ti aldiwan itod, u langet ay bigla a mawan a tehhod a makaánteng a galungogung. Matunaw tu apoy u atanan a bagay. Maski u luta sakay tu atanan a katoy he ay matutod.

Pahayag 20:11

Káttapos ay netan ko u dakál a trono a mapudew sakay tehod a mággetnod hod. Nawan u luta ay tu langet tu atubang na, sakay awan dán nenetan a huway.

Pahayag 21:1

Nadid, káttapos ay netan ko u bigu a langet sakay u bigu a mundu. Dipo nawan dán u date a langet sakay u date a mundu; sakay awan dán be u diget.