Pahayag 3:17 - U Maganda A Baheta Ni Jesu-Cristo

¹⁷ Dipo kagi moy a, ‘Mayaman kame sakay sagana tu atanan a bagay sakay awan kame dán ti iba a kailangan!’ Pero u awan moy tukoy ay lubu-lubus kam sakay kakagbi, mahirap a tahod, eklas, sakay buhák.

Pahayag 3:17 Referans Kwoze

Pahayag 2:9

Tukoy ko u pagsubuk a dáddanasán mo. Tukoy ko a mahirap kam, pero i tatahodinay ay mayaman kam. Sakay tukoy ko be u pangsássida nikam nu bakán hide a Judio, pero i tahoday ay sakup hide ni Satanas.

Roma 7:24

Kakagbi u kalagayan ko! ti deya u mángligtas nikán tu makasalanan a bággi a makapangatád nikán ti kamatayan?

Lukas 1:53

Binássog na ti mágkaganda a bagay u mágkahirap hide, sakay pinalakad na u mágkayaman hide a awan ti tawed maski ni ánya.

Mateo 9:12

Pero nasaneg ni Jesus u tanung de kanya tinábbeg na hide “U awan ti saket ay awan mangangailangan ti doktor, u te saket la.

Pahayag 16:15

Sakay pinisan nu ispirito hide u hare hide tu lugar a dáddulawán a Armagedon, tu upos a Hebreo. (Iye u babala nikam nu Panginoon Jesus, kinagi na a, “Pakasanigán moy! Dumemátták a konna tu káddemát nu mágtakaw! Pinagpala u pirme a lukag sakay awan nageklas tu badu na; tán awan siya mepasanike a maglakad a eklas tu atubang nu katolayan!”)

Roma 12:3

Dipo tu págpapala a impagkaluub nu Diyos nikán ay piniliyák na para magtoldu tu upos na, kagiyán ko nikam a dyan moy pahalagaan u sadile moy ti mas higit tu nerarapat. Ni awan tenggiyán moy u tunay moy a kakayanan ayun tu pánnampalataya a inyatád nikam nu Diyos.

2 Pedro 1:9

Pero u kulang hide ti iye a ugale ay kulang be ti pákkatukoy tu tama a pánniwala a konna tu buhák tu tatahoden. Nalimunan di dán a nalinis dán hide nu Diyos tu kasalanan de hide.

Mateo 5:3

“Pinagpala nu Diyos u tolay hide a umasa nikuna tu atanan a pangangailangan de, dipu u Diyos u hare de. Siya u mangpospos nide.

Lukas 6:24

Pero kakagbi kam a mágkayaman hide nadid, Dipo natamasa moy dán u kaginhawaan.

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

Roma 11:20

Tatahoden ina. Kináttol hide dipo awan hide sumampalataya ni Cristo, sakay hikam ay inkabit dipo nanampalataya kam nikuna. Kanya dyan kam magmadakál, nan magkahod kam ti ánteng.

Pahayag 3:16

Dipo maligamgam kam, awan kam mainit oni malamig ay iloktab takam!