Pahayag 2:10 - U Maganda A Baheta Ni Jesu-Cristo

¹⁰ Dyan kam manteng tu hirap a adene moy dán a danasán. Tandaan moy: pepireso ni Satanas u sangan nikam bilang pagsubuk; magtiis kam tu alay nu sapulo a aldew. Magtulos-tulos kam la a matapat hanggan tu kamatayan, tánni premyuwan takam ti biyag a awan ti kahád.”

Pahayag 2:10 Referans Kwoze

Santiagu 1:12

Pinagpala u tolay a manatile a matatag tu pánnampalataya na tu pagsubuk hide sakay kahirapan, dipo ni malampasan de itod ay magkahod hide ti biyag a awan ti kahád a impananto nu Diyos tu atanan a magmahal nikuna.

Mateo 10:22

Kaiyamutan di kam dipo tu pániwala moy nikán. Pero u matapat nikán hanggan matay ay siya la u maligtas.

1 Pedro 5:4

Sakay káddemát nu kapunuwan nu Pastol hide ay makatanggap kitam ti magkislap-kislap a kurona a awan masisida.

Markos 13:13

Kaiyamutan kam nu atanan dipo tu kássunud moy nikán, pero u manatile a tapat hanggan tu katapusan ay siya u maligtas.”

Efeso 6:12

Dipo u kalaban tam ay bakán a katolayan, nan u magkadukás hide a ispirito tu panganurin; hide iye u pinuno, u te kapangyariyan hide, sakay u mamahala hide tu mágkadukás a mámmagyan ti munduwáy.

Pahayag 2:9

Tukoy ko u pagsubuk a dáddanasán mo. Tukoy ko a mahirap kam, pero i tatahodinay ay mayaman kam. Sakay tukoy ko be u pangsássida nikam nu bakán hide a Judio, pero i tahoday ay sakup hide ni Satanas.

Mateo 24:13

Pero u matapat hanggan tu katapusan ay siya u maligtas.

1 Pedro 5:8

Pirme kam a humanda sakay magbantay dipo u kadima moy a ti Satanas ay dumahi-dahengding a kumán a liyon a magtágguwang a magehyok ti sangwabán na.

1 Corinto 9:25

Atanan nu máksale tu ayam ay kailangan a magpugád tu sadile na tu atanan a bagay. Tánni matanggap na u gantimpala na a pang-alistuwan. Pero u gantimpala a gusto tam ay u gantimpala a panghanggan-hanggan.

Mateo 10:28

Sakay dyan moy kantingan u makabuno tu bággi moy pero awan makabuno tu kaliduwa nan dapat kantingan moy u Diyos a makabuno tu bággi sakay kaliduwa moy ti impiyerno.

Pahayag 13:7

Pinayagan be siya a geraán sakay taluwán u pinile hide nu Diyos. Sakay inatádden siya ti kapangyariyan a mamuno tu atanan a tolay ti munduwáy, tu bawat lahe, banuwan, upos sakay bansa.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Juan 13:2

Ti gibiyan itod ay nangapon di Jesus sakay tu disepulus na hide. Nemula dán ni Satanas tu isip ni Judas Iscariote a anak ni Simon a itokyon na ti Jesus.

Juan 12:25

U deyaman a mangpahalaga tu sadili nala ay siya u mawanan. Pero u awan mángpahalaga tu biyag na ti munduwan iye alang-alang nikán ay magkahod ti biyag a awan ti kahád.

Lukas 21:12

Pero bagu a mangyare iye hide a atanan ay padakáp dikam sakay pahirapan. Iyangay dikam tu sinagoga hide para imbistigaan sakay ipepireso. Sakay dipo tu págsunud moy nikán ay iyatubang dikam tu hare hide sakay tu gubernador hide.

Markos 8:35

Dipo u maghangad a mángligtas tu biyag na ay mawanan ti biyag; pero u tolay a máng-alay tu biyag na alang-alang nikán sakay tu Maganda a Baheta ay magkahod ti biyag hanggan-hanggan.

Pahayag 13:2

U hayup a netan ko ay kumán a idsura ni leopardo, u tika-tikád na ay kumán a tikád ni oso sakay u labi na ay kumán a labi ni liyon. Inyatád nu dragon nikuna u kapangyariyan na, u trono na, sakay u malawak na a karapatan a mamuno.

Gimet 21:13

Pero timmábbeg siya, “Bakin magsanget kam? Diyan moy panghinaán isip kuwáy! Dipo nakahandaák a papungo maski matayák pa ti Jerusalem ni kailangan, alang-alang tu ngahan nu Panginoon Jesus.”

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

Juan 13:27

Nikuna naalap dán ni Judas u tinapay ay simmáddáp nikuna ti Satanas. Kinagi ni Jesus nikuna, “Gimitán mu dán a agad u gimitán mo.”

Pahayag 2:13

Tukoy ko a mámmágyan kam tu lugar a paghariyan ni Satanas, pero tulos-tulos kam padi a tapat nikán. Awan moy inadággen u pánnampalataya moy. Maski ni binuno ti Antipas, a matapat ko a tagapagserbi ti lugar moye a páppágyanan ni Satanas.

Pahayag 13:14

Sakay dipo tu makataka-taka hide a impagimet nikuna nu purumero a makaánteng a hayup ay nalinlang na u katolayan. Inutusan na u katolayan a maggimet ti rebulto nu purumero a makaánteng a hayup, a natalinguwan ti áttak pero nabiyag pade.

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”