Pahayag 13:8 - U Maganda A Baheta Ni Jesu-Cristo

⁸ Sakay u atanan a tolay a katoy ti lutaáy ay sumamba nikuna, puwera la tu tolay hide a nakasulat u ngahan de tu libro nu biyag sapul pa nikuna a lalangán i munduway. I libruwan iye ay táttawed nu Tupa a binuno.

Pahayag 13:8 Referans Kwoze

Efeso 1:4

Bagu pa a lalangán i munduwáy ay pinile kitamon nu Diyos tánni magin banal sakay awan ti kapintasan tu atubang na. Dipo tu págmahal nu Diyos,

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Pahayag 17:8

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.

Pahayag 3:5

U magtagumpay ay pabaduwan be ti mapudew, sakay awan ko ibu-ibutan u ngahan na tu libro nu biyag. Tenggiyán ko siya tu atubang nu Ama ko sakay tu anghel ko hide.

Tito 1:2

U pánnampalataya sakay pakkaunawa a iye u mangatád tu pag-asa tam a matanggap tam u biyag a awan ti kahád a inpananto nu Diyos bagu na a linalang i munduwáy. Siya u Diyos a awan mágbule-bule.

Pahayag 21:27

Pero awan hod ti makasáddáp a ánya man a bagay a madangát tu pangileng nu Diyos, u makán gimitán ti madukás, sakay u mágkabule hide. Nan u makasáddáp laay hod tu banuwan ay u nakasulat u ngahan na tu libro nu Tupa. Dipo i librowan iye u sássulatan nu ngahan nu naatádden ti biyag a awan ti kahád.

Pahayag 5:12

Mágkansiyon hide ti mabegsák: “U Tupa a binuno ay karapat-dapat a tumanggap ti kapangyariyan, kayamanan, karunungan, sakay begsák, karangalan, papuri sakay pággalang.”

Juan 1:29

Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!

Lukas 10:20

Pero dyan kam magsaya ta napasunud moy u mágkadukás hide a ispirito nan magsaya kam dipo nelista dán u ngaha-ngahan moy ti langet.”

Filipos 4:3

Sakay ipákkekakagbi ko be niko, tapat ko a kaguman tulungan mo i duwwaán iye a bábbey. Dipo timmulung be hide nikán tu pángpakapospos tu Maganda a Baheta, a kaguman di Clemente sakay tu agum pa a tagapagserbi a konna nikán. U ngaha-ngahan de ay nakasulat tu libro nu biyag.

Pahayag 3:20

Tandaan moy, mágtaknággák tu luwas nu pintuwan a makán toktokán. Ni deya man u mangsaneg tu boses ko sakay bukasan na u pintuwan ay sumáddáppák tu bilay na sakay mággatubang kame a kuman.

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.

Pahayag 12:15

Kanya náng-obla ti dinom u biklat a konna tu konayan tánni meanod u bábbey.

Pahayag 5:13

Sakay nasaneg ko a mamágkansiyonan u atanan a linalang a katoy ti langet, ti lutaáy, disalad ni lutaáy, sakay u katoy hide tu diget ti konna he: “Iyatád tu mággetnod tu trono sakay tu Tupa u kapuriyan, karangalan, kadakilaan sakay kapangyariyan a awan ti kahád!”

Pahayag 6:1

Nadid, áelingán ko nikuna a ibutan nu Tupa u essa tu pitto a selyo. Sakay nasaneg ko a nagupos, a kasimbegsák nu kádduh, u essa tu áppat a linalang a biyag, kinagi na, “Karon he!”

Pahayag 13:12

Ginamit na u atanan a kapangyariyan nu purumero a makaánteng a hayup tánni ipatupad u kagustuwan na hide. U atanan a tolay ti munduwáy ay pinilit na a sumamba tu purumero a makaánteng a hayup a natalinguwan pero nagpiyya.