Mateo 9:35 - U Maganda A Baheta Ni Jesu-Cristo

³⁵ Immangay ni Jesus tu atanan a banuwan sakay babaryo. Nagtoldu siya tu sinagoga di hide. Nagtoldu siya tungkul tu Maganda a Baheta tungkul tu pághare nu Diyos. Sakay maski hádya siya a umangay ay pinagpiyya na u tolay hide tu sakisaket de.

Mateo 9:35 Referans Kwoze

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Markos 6:56

Maskin hádya siya a umangay, tu babaryo, tu banu-banuwan, oni tu buki-buked ay iyangay di nikuna u te saket hide, tu lugar a pagipun-ipunan nu tolay hide. Nákkekagbi hide ni Jesus ani maare ay pakahapán na u kessaket hide maskin u garayan nu damit na. Sakay u atanan nu makakahap ay magpiyya.

Mateo 11:5

Ikagi moy a maketa dán u buhák. Makalakad u pilay. Nagpiyya u te ketong. Makasaneg dán u bángngág. Nabiyag u patay sakay natolduwan dán u pobre hide tu maganda a baheta.

Lukas 13:22

Nagtulos-tulos ti Jesus tu lakad na, nagtoldu siya tu kada banuwan sakay babaryo a tinaleban na a paangay ti Jerusalem.

Gimet 2:22

“Hikam a taga-Israel hide ay mágsaneg kam nikán! Ti Jesus a taga-Nazaret ay pinaangay nu Diyos nikam, sakay pinatunayan iye nu Diyos tu pamamag-itan nu himala hide sakay tu makataka-taka hide a ginimet na tu pamamag-itan ni Jesus. Mismo hikam u nakatukoy ti pangyayariyan iye dipo nangyare iye he nikam.

Markos 6:6

Nagtaka siya dipo umád de a maniwala nikuna. Linebut ni Jesus u babaryo tu palebut sakay tinolduwan na u tagahod hide.

Mateo 11:1

Nadid nikuna natapos dán a nagtoldo ti Jesus tu sapulo ay ti duwwa na a disepulus ay linakaden na itona a banuwan sakay immangay siya tu ibaiba pa a banuwan ti Galilea para magtoldu.

Mateo 10:1

Pinauwet ni Jesus u sapulo ay ti duwwa a disepulus na sakay inatádden na hide ti kapangyariyan a magpalayas ti madukás a ispirito. Inatádden na be hide ti kapangyariyan a magpapiyya tu atanan a sakisaket.

Markos 1:14

Nikuna a nepireso ti Juan ay immangay ti Jesus ti Galilea sakay nagtoldu hod siya tu Maganda a Baheta a gábwat tu Diyos.