Mateo 9:2 - U Maganda A Baheta Ni Jesu-Cristo

² Káddemát di hod ay intugán nu sasangan a tolay u essa a tolay a awan makaahikad ni Jesus. U tolay ay nágkatdug tu essa a ayod. Nikuna netan ni Jesus a te pánnampalataya hide nikuna ay kinagi na tu tolay a awan makaahikad “Anak, magsaya ka dipo pinatawad ta ka dán tu kasalanan mo.”

Mateo 9:2 Referans Kwoze

Mateo 9:22

Kanya linumingat ti Jesus sakay pákketa na tu babbey ay kinagi na “Magsaya ka, dipo tu pánnampalataya mo ay nagpiyya ka.” Ti itona be a odas ay nagpiyya u bábbey.

Santiagu 2:18

Tehhod a magkagi a, “Manampalatayaák la para maligtas; u agum ay maggimet la ti maganda ay tama dán.” Sa iye u tabbeg ko hina, “Kodya mapatunayan nu tolay u pánnampalataya na ni awan ketan tu gimet na a maganda. Pero para nikán u kássampalataya ko ay ketan tu pággimet ko ti maganda.”

Gimet 19:12

Maski panyo oni badu a ginamit ni Pablo ay iyangay de tu tehhod hide a saket. Nagpiyya hide maski u madukás hide a ispirito a magpahirap nide ay lumakad.

Juan 21:5

Kinagi nide ni Jesus, “Amigu ko hide, te nalap kam?” Timmábbeg hide, “Awan.”

Mateo 8:10

Nikuna nasaneg iye ni Jesus ay nagtaka siya tu kapitan. Sakay kinagi na tu tolay hide a umunonod nikuna “Kagiyán ku nikam a awanák padla naketa ti Israelita a kapareho nikuna a kadakál ti pánnampalataya.

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Roma 5:11

Sakay bakán la sa ina, masaya kitam tu rilasyon tam tu Diyos, dipo tu ginimet nu Panginoon tam a ti Jesu-Cristo. Dipo nikuna ay tinanggap kitam nu Diyos a kaibigan na.

Gimet 14:9

Mággetnod siya hod a mágsaneg tu pángngaral ni Pablo. Lináttángngan siya ni Pablo sakay netan na a tehhod siya a pánnampalataya a magpiyya.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Mateo 9:6

Patunayan ku nikam a hikán a Anak nu Tolay ay te kapangyariyan a magpatawad ti kasalanan he ti munduwáy.” Kaya kinagi na tu tolay a awan makaahikad “Umágkat ka dán anak, báklayán mudán i ayude sakay soli ka tu bilay moy dipo nagpiyya ka dán.”

Mateo 8:16

Nikuna a gibi dán ay inyangay nu tolay hide ni Jesus u makpal hide a hinayup. Essa na la a utos ay pinalakad na u mágkadukás hide a ispirito sakay pinagpiyya na u te saket hide.

Juan 2:25

Sakay awan dán siya kailangan a kagiyan tungkul tu tolay hide, dipo tukoy na ni ánya u katoy tu puso de.

Markos 5:34

Pero kinagi nikuna ni Jesus, “Anak, pinagpiyya ka nu pánnampalataya mo. Kadmudán sakay pamayapaan mo isip muwe. Nagpiyya ka dán.”

Markos 1:32

Tu kássahám nu aldew ay inyangay de tu kán Jesus u atanan a te saket sakay u sináddáp hide ni madukás a ispirito,

Mateo 6:12

Patawadán mu kame tu kasalanan me a konna tu págpatawad me tu nagkasala nikame.

Mateo 9:5

Anya beman u alisto a gimitán ti tolayáy, kagiyán ku nikuna a ‘Pinatawad taka dán tu kasalanan mo,’ oni ‘Tumaknág ka sakay lumakad ka dán.’?

Mateo 14:27

Pero kinagi ni Jesus nide a pagdaka “Dyan kam manteng, hikán iye ti Jesus.”

Markos 6:50

Atanan de ay neántingan a tahod, pero agad a kinagi ni Jesus nide, “Diyan kam manteng, Hikán iye! Pabegsákkán moy i isip moye!”

Markos 10:49

Tu pákkasaneg ni Jesus nikuna ay kinagi na, “Iyangay moy he siya.” Kanya dinulawan de u buhák sakay kinagi de nikuna, “Begsákkan mo i isip muwe. Tumaknág ka dán, dipo impadulaw ka ni Jesus.”

Gimet 23:11

Ti gibi labiyan itod ay pimmeta u Panginoon ni Pablo sakay kinagi na nikuna, “Begsákkan mo isip muwe! Nagpatunay ka tungkul nikán ti Jerusalemáy; konna be hina u gimitán mo ti Roma.”