Mateo 9:13 - U Maganda A Baheta Ni Jesu-Cristo

¹³ Angay moy intendiyán u kinagi nu Panginoon tu kasulatan na ‘Gusto ko a kagbiyan moy u tolay hide, bakán a u alay moy.’ Dipo awanák ummangay ti munduwáy para kagiyan u malinis hide a tolay a magsisi nan u makasalanan hide.”

Mateo 9:13 Referans Kwoze

Markos 2:17

Nasaneg iye ni Jesus kanya siya u tummábbeg, “Awan kailangan nu tolay a awan ti saket u mággamot, nan u tessaket la. Ummangayák he támpara dulawán u makasalanan hide, bakán a u awan hide ti kasalanan.”

Lukas 19:10

Dipo u Anak nu Tolay ay immangay he tánni ehyukán sakay iligtas u nágketawtaw hide.”

Lukas 5:32

Awanák he immangay para tulungan u tolay hide a magkagi a malinis hide nan kayaák a immangay he ay para tulungan a magsise u makasalanan hide.”

Mateo 12:7

Awan moy nakwa hinatulan u awan ti kasalanan ni naintendiyan moy la u kinagi nu Diyos a ‘Gusto ko a kagbiyan moy u tolay hide, bakán a u alay moy nikán.’

2 Pedro 3:9

Kaya dyan moy isipán a nalimunan dán nu Panginoon u impananto na tungkul tu katapusan ni munduwáy a konna tu akala nu agum a tolay. U tatahoden ay atádden na palla ti pagkakataun u atanan tolay a makapagsise, dipo awan na gusto a mepahamak u maskin deya man.

Gimet 3:19

Kanya nadid ay magsisi kamon sakay umadene tu Diyos, tánni patawadán na u kasalanan moy hide,

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Mateo 3:2

Kinagi na “Adággen moy u kasalanan moy dipo adeni dán a maghare u Diyos nikitam.”

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Mateo 4:17

Hod ti Capernaum ay nagsapul ti Jesus a magtoldu. Kinagi na “Adággen moy u kasalanan moy dipo adeni dán a maghare u Diyos nikitam.”

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

Mateo 3:8

Ipeta moy u págsisi moy tu pamamagitan nu págsunud moy tu Diyos.

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

Mateo 21:42

Tinanong hide ni Jesus, “Awan moy beman nabasa u nesulat tu Kasulatan? ‘U bito a inadeyan nu karpentero hide nu bilay, siya u nagin bito a pinakaposte nu bilay. Iye ay ginimet nu Panginoon sakay iye ay makataka-taka!’

Mateo 12:3

Tinábbeg hide ni Jesus “Awan moy beman nabasa u ginimet ni David sakay tu kaguman na hide nikuna a nagaláp hide?

Markos 12:26

Tungkul be tu kákkabiyag a huway, awan moy pad beman la nabasa u insulat ni Moises? Nikuna a hod siya tu maggangat a kayo, kinagi nikuna nu Diyos, ‘Hikán u Diyos ni Abraham, U Diyos ni Isaac sakay u Diyos ni Jacob!’

Juan 10:34

Timmábbeg ti Jesus, “Awan beman nakasulat tu Kautusan a kinagi nu Diyos a, ‘Kinagi ko, hikam ay Diyos’?

Mateo 19:4

Timmábbeg ti Jesus, “Awan moy beman nabasa tu Kasulatan a tu sapul ay nilalang hide nu Diyos, lállake sakay bábbey?

Mateo 12:5

O awan moy beman a nabasa be tu Kasulatan a u saserdote ay magtarabaho tu Aldew nu Káimang pero awan hide nagkasala?

Lukas 10:26

Timmábbeg ti Jesus, “Ánya beman u nakasulat tu Kautusan? Ánya beman u mabasa mo hod?”

Markos 12:33

Sakay napakahalaga u magmahal nikuna tu buo a puso, buo a pag iisip, sakay tu buo a begsák. Sakay kailangan be a mahalán u kapatkákka konna tu págmahal tam tu sadile tam. Iye u pinakamahalaga kasera tu ánya man a kalase ni alay a táttutudán sakay tu iba pa hide a handug.”

Lukas 5:31

Tinábbeg hide ni Jesus, “Awan kailangan nu awan ti saket u mággamot nan u te saket la.